«Biz búgin Qazaqstan men Reseıdiń О́ńiraralyq yntymaqtastyq forýmyn 17-márte ótkizip otyrmyz. Byltyr pandemııaǵa qatysty forým uıymdastyrýǵa múmkindik bolmady. Osy forým barysynda da mańyzdy máseleler talqylanatyna senimdimin. Bizdiń elder arasynda saýda-ıntegrasııalyq yntymaqtastyq jaqsy damyǵan. Bıylǵy 7 aıda ekijaqty taýar aınalymy 34 paıyzǵa ulǵaıyp, 14 mlrd dollardy qurady. Jyl qorytyndysy saýda aınalymy 20 mlrd dollarǵa jetip, rekordtyq kórsetkish ornatady dep boljanyp otyr», dedi Pýtın.
Reseı basshysy atap ótkendeı, bul óńiraralyq yntymaqtastyq nátıjesi.
«Sońǵy kezde bıznes ókilderi men delegasııa almasý belsendi túrde júzege asyrylyp jatyr. Bıyl da ol dástúr jalǵasatynyna senimdimin. Bul forýmda birqatar mańyzdy kelisimsharttarǵa qol qoıylady. О́ńiraralyq yntymaqtastyq boıynsha 2023 jylǵa deıin birlesken baǵdarlamalar júzege asyrylmaq. Búginde ekologııa máselesi trendte tur. Qazaqstan men Reseı úshin de bul másele óte mańyzdy», dedi Pýtın.
