Qazaqstannyń tennıs federasııasy (FTK) sportshy óz sheshimin úsh apta buryn jarııalaǵanyn naqtylady.
«Qazirgi tańda Nur-Sultanda ótip jatqan bedeldi Astana Open WTA 250 tennıs týrnırinde bizdiń sporttyń 34 jyldyq ańyzyna alǵys bildirdi», dep jazady FTK baspasóz qyzmeti.
«Meniń mansabym uzaq jáne óte baı boldy. Birinshi kezekte meni tennıske alyp kelgen ata-anama alǵys aıtqym keledi, olar meniń jetistikke jetýime, úırenýime jáne kásibı sportshy retinde tárbıeme qoldan kelgenniń bárin jasady. Sondaı-aq meni árdaıym qoldaǵan, shabyttandyrǵan jáne árqashan meniń eń jaqyn, súıikti jáne adal jankúıer bolǵan súıikti joldasyma alǵysymdy bildirgim keledi. Árıne, Qazaqstan tennıs federasııasyna erekshe alǵysymdy bildiremin. Meniń búkil mansabymda maǵan sengen jáne qoldaý kórsetken jankúıerlerime rahmet», dedi Iаroslav Shvedova.
Sonymen qatar, ol óziniń súıikti sport túrimen qoshtasqysy kelmeıtinin jáne tennısten áıelder ulttyq quramasynyń kapıtany retinde elimizde tennısti damytý úshin jumys isteıtinin aıtty.
О́ziniń mansaby barysynda Shvedova juptyq synda eki «Úlken dýlyǵa» týrnırin jeńip aldy (Ýımbldon, AQSh ashyq chempıonaty-2010), 14 WTA týrnırinde jeńiske jetti (olardyń biri jeke synda), alty «Úlken Dýlyǵa» týrnıriniń fınalısti boldy, juptyq synda álemdik reıtıngte úshinshi orynǵa ıe boldy.
Iаroslava Shvedova - álem tarıhyndaǵy «meıdjordyń» negizgi torynda «altyn jıyntyǵyn» jasaǵan jalǵyz tennısshi. Bul Ýımbldon-2012-de Sara Erranıge qarsy matchta boldy.
Shvedova Qazaqstan quramasynda 13 jyl oınady, el namysyn úsh Olımpıadada 2012, 2016, 2020 jyldary qorǵady.
