Álem • 01 Qazan, 2021

EHRO-2020 DUBAI: Qazaqstan pavılony saltanatty túrde ashyldy

529 ret kórsetildi

Dúnıejúzilik EHRO-2020 DUBAI kórmesinde Qazaqstannyń ulttyq pavılony óz jumysyn bastady, dep habarlaıdy Egemen.kz.

Onyń ashylý rásimine Qazaqstannyń Birikken Arab Ámirlikterindegi tótenshe jáne ókiletti elshisi Madııar Meńilbekov, QazExpoCongress ulttyq kompanııasynyń basqarma tóraǵasy, EHRO-2020 kórmesindegi Qazaqstan seksııasynyń bas komıssary Allen Shaıjúnisov, Halyqaralyq kórmeler bıýrosynyń prezıdenti Djaı-Chýl Choı, kórmege qatysýshy elderdiń bas komıssarlary men EHRO-2020 uıymdastyrý komıtetiniń basshylyǵy qatysty.

Ashylý saltanatyna deıin pavılondy alǵash bolyp Birikken Arab Ámirlikteriniń Vıse-prezıdenti, Premer-Mınıstri, Dýbaı bıleýshisi sheıh Muhammed ben Rashıd Ál Maktým aralap kórdi.

Ekspo

Madııar Meńilbekovtiń aıtýynsha, ulttyq pavılonda Qazaqstannyń ınvestısııalyq, týrıstik áleýeti, saıası-ekonomıkalyq jetistikteri pash etilgen. 2017 jyly mamandandyrylǵan EHRO-2017 kórmesin uıymdastyrǵan Nur-Sultan qalasynyń da damý múmkindikteri kópshilik nazaryna usynylǵan.

Qazaqstan pavılony shyǵys sáýletimen órnektelgen. Muny zamanaýı sıfrlyq sheshimder men dástúrdiń sıntezi dese de bolady. Pavılon jeńil konstrýksııadan jasalǵan. Irgeles aýmaǵy ystyq klımattyq jaǵdaıǵa baılanysty kóleńkeli qurylymdarmen, qurǵaq sýburqaqtarmen bezendirilgen. Pavılonnyń kireberisin abattandyrýda Qazaqstannyń mádenı murasyna jatatyn petroglıfter, geoglıfter, skıf-saq mádenıetiniń elementteri paıdalanylǵan. Pavılon aldyndaǵy arnaıy jabdyqtalǵan ashyq alańda kelýshiler etnıkalyq mýzykalyq ujymdardyń ónerin tamashalaı alady.

Allen Shaıjúnisovtiń aıtýynsha, kórme aıaqtalǵansha Qazaqstan pavılonyn 1 mln-ǵa jýyq adam tamashalaıdy dep kútilýde.

Pavılonnyń kire berisinde Qazaqstannyń «Shejire» aǵashy beınelengen. Túrli etnostardyń tarıhı baılanysy men Uly Dala kóshpendileriniń álem halqynyń genetıkasyna qosqan úlesi týraly baıandalady. Sonymen qatar birinshi qabatta elimizdiń týrıstik áleýeti pash etilgen. Onda qazaq jeriniń kórkem landshafttary men tabıǵı resýrstary, baı tarıhy, mádenıeti men dástúri kórsetilgen.

«Elorda – Eýrazııa júregi» aımaǵynda aıbyndy astananyń tamasha panoramasymen tanysýǵa múmkindik bar.  

e

Future Now aımaǵy qonaqtardyń qyzyǵýshylyǵyn týdyrýda. Munda Brixel Mirror kınetıkalyq art-qondyrǵysy usynylǵan. Bul sıfrlyq dıspleı sekildi jumys isteıtin baǵdarlamalanǵan qozǵalmaly modýldik bloktar. Atalǵan aımaqta túrli ınteraktıvti elementter arqyly birqatar salalardy qamtıtyn Vision Machine ınstallıasııasy ornalasqan. Munda ınnovasııalyq qala qurylysy, jasandy ıntellekt, bolashaqtyń kásipteri, turaqty agroónerkásip, qorshaǵan ortany qorǵaý, aeroǵarysh ónerkásibi sekildi baǵyttardaǵy Qazaqstannyń áleýetimen tanysýǵa bolady.

e

Sonymen qatar pavılonda eldiń ınvestısııalyq, ónerkásiptik, kólik-logıstıkalyq jáne agrarlyq áleýeti kópshilik nazaryna usynylǵan.

Sońynda kelýshilerdi panoramalyq kınoteatrdaǵy erekshe shoý kútedi. Shoýdyń sıýjettik jelisi adam men jasandy ıntellektiń ózara árekettesýin kórsetedi. Atalǵan aımaq kórmeniń «Aqyl-oıdy biriktire otyryp, bolashaqty qalyptastyrý» atty basty taqyrybymen úndesip tur.

k

Búkilálemdik EXPO-2020 Dubai kórmesi aıasynda Qazaqstannyń ulttyq pavılony alańynda bizdiń eldiń resmı tulǵalarynyń, sondaı-aq memlekettik organdardyń, kvazımemlekettik jáne jeke sektorlar ókilderiniń qatysýymen 25 iskerlik is-shara ótkizý josparlanǵan. Iskerlik is-sharalar sheńberinde konferensııalar, forýmdar, B2B kezdesýler ótkiziledi. Onyń ishinde eldiń ınvestısııalyq jáne týrıstik áleýeti boıynsha tanystyrylymdar, ǵylymı jáne bilim berý jobalary, kreatıvti sheshimder, sondaı-aq Qazaqstannyń áleýetti jobalary men qazirgi zamanǵy ázirlemeleri usynylady. Atalǵan is-sharalardyń qorytyndysy boıynsha yntymaqtastyq týraly sharttar men kelisimderge qol qoıylady. О́z kezeginde munyń el ekonomıkasyn damytýdaǵy mýltıplıkatıvtik áseri zor bolmaq.

k

Qazaqstannyń ulttyq pavılony «Múmkindikter» salalyq klasterinde oryn tepken. Ol Birikken Arab Ámirlikteri, AQSh, Shveısarııa, Lıýksembýrg, Qytaı Halyq Respýblıkasy, Italııa jáne Belarýs memleketteriniń ulttyq pavılonyna jaqyn ornalasqan.

Eske sala keteıik, EXPO-2020 DUBAI kórmesi 2021 jyldyń 1 qazany men 2022 jyldyń 31 naýryzy aralyǵynda ótedi. Aýqymdy shara byltyr ótýi kerek edi. Alaıda koronavırýs pandemııasyna baılanysty onyń merzimi shegerildi. Tańdalǵan taqyryp – «Aqyl-oıdy biriktire otyryp, bolashaqty qalyptastyrý». EHRO-2020 úsh salalyq taqyrypqa bólingen – «Múmkindikter», «Mobıldilik» jáne «Turaqty damý». Oǵan álemniń 192 eli qatysýda. Kórmeni shamamen 25 mln adam tamashalaıdy dep kútilýde. Olardyń 20 paıyzyn bıznes ókilderi quramaq. 182 kúnge sozylatyn sharaǵa kelýshilerdiń 70 paıyzy sheteldik týrıster bolmaq. Kórmeniń jalpy aýmaǵy 438 gektar jerdi alyp jatyr. Ol Dýbaı men Abý-Dabı qalalarynyń aralyǵynda ornalasqan.

ıa

 

Dýbaı, Birikken Arab Ámirlikteri

Sońǵy jańalyqtar

Almatyda qala qurylysynyń keńesi quryldy

Aımaqtar • Búgin, 17:22

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Uqsas jańalyqtar