«QR Indýstrııa jáne ınfraqurylymdyq damý mınıstrliginiń ujymy «QR avtokólik qyzmetkerleri odaǵy» Basqarmasynyń tóraǵasy, Qazaqstan Respýblıkasynyń burynǵy Kólik jáne kommýnıkasııa mınıstri Serik Qarabatyruly Álıgýjınovtyń otbasy men týystarynyń qaıǵylaryna ortaqtasyp kóńil aıtady. Serik Qarabatyruly 3 qazanda qaıtys boldy», delingen QR IIDM baspasóz qyzmetiniń habarlamasynda.
Serik Álıgýjınov 1944 jyly Pavlodar oblysynda dúnıege kelgen. Ol Pavlodardaǵy №2564 avtokollona mehanıginen Kólik jáne kommýnıkasııa mınıstrine deıin kóterilgen. Mınıstrlikti jańa astanaǵa kóshirý kezinde basqardy, kólik jáne baılanys salasynda júıe qurýshy kásiporyndar qurylýynyń negizin qalady.
Zeınetke shyqqannan keıin Serik Qarabatyruly QR avtokólik qyzmetkerleri odaǵyn basqardy. Elimizdiń saıası, áleýmettik jáne ekonomıkalyq damýyna qosqan zor úlesi úshin KSRO halyqtary dostyǵy ordenimen, «Qurmet» jáne «Parasat» ordenderimen marapattaldy, qalanyń áleýmettik-ekonomıkalyq damýynda qosqan eńbegi úshin Pavlodar qalasynyń Qurmetti azamaty atandy.
