Sybaılas jemqorlyqqa qarsy komplaens qyzmetiniń negizgi mıssııasy – uıymnyń jáne onyń qyzmetkerleriniń sybaılas jemqorlyqqa qarsy is-qımyl týraly zańnamany saqtaýyn qamtamasyz etý. Komplaens qyzmeti – resmı mártebesi, barlyq qajetti aqparatty alýǵa qol jetkizý quqyǵy, komplaens-baqylaý salasyndaǵy qajetti sarapshylardy tarta otyryp, áleýetti zań buzýshylyqtar boıynsha ishki tergeý júrgizý quqyǵy bar uıymdaǵy táýelsiz bólimsheler. Budan basqa, sybaılas jemqorlyqqa qarsy komplaens-qyzmetterdiń qyzmetkerleri óz pikirin bildirý jáne táýekelderdi baqylaý prosesinde anyqtalǵan zań buzýshylyqqa qatysty málimetterdi berý úshin alqaly organǵa tikeleı qol jetkize alýǵa tıis.
Osylaısha, sybaılas jemqorlyqqa qarsy komplaens qyzmetter – Sybaılas jemqorlyqqa qarsy is-qımyl agenttiginiń jergilikti jerlerdegi komıssarlary, olar sybaılas jemqorlyqqa qarsy is-qımyldyń kóp deńgeıli júıesin tabysty iske asyrýdy qamtamasyz ete otyryp, retteýshi jáne qadaǵalaýshy organdardyń barlyq sanattarymen ózara is-qımyl jasaıdy.
Ulttyq kınony qoldaý memlekettik ortalyǵy (UKQMO) kvazımemlekettik sektordyń sýbektisi bolyp sanalady, onyń mindeti – kınematografııa salasyndaǵy memlekettik saıasatty iske asyrý jáne otandyq kınoóndiristi damytý úshin jaǵdaı jasaý.
UKQMO qyzmetiniń bir túri – ulttyq fılmder dep tanylýǵa úmitti kınojobalardy qarjylandyrý. О́kinishke qaraı, tájirıbe kórsetkendeı, bul sala sybaılas jemqorlyq táýekelderine beıim. Sondyqtan Kınoortalyq óziniń alǵashqy kúninen bastap otandyq kınoındýstrııany damytýdyń jańa kelbetin jasaýǵa baǵyt aldy, onyń negizinde fılmderdi ulttyq dep tanýǵa arnalǵan ashyq pıtchıngter – konkýrstar ótkizý jáne olardy keıinnen memlekettik qarjylandyrýǵa shyǵarý jatyr. Búginde fılmderdi memlekettik qarjylandyrý týraly sheshim Saraptama keńesiniń qorytyndysy men vedomstvoaralyq komıssııanyń usynymdary negizinde qabyldanady. Kınoortalyq paıda bolǵannan keıin fılmderdi bıýdjetteý júıesiniń ózi túbegeıli ózgerdi. UKQMO basymdyqtarynyń negizinde prokat kóshbasshylary men eńbek sińirgen kıno qaıratkerlerin qoldaý ǵana emes, sonymen qatar debıýttik, anımasııalyq jáne avtorlyq kıno sııaqty baǵyttardy damytý jatyr.
Osyǵan baılanysty, sybaılas jemqorlyq quqyq buzýshylyqtardyń qaıtalanýyn boldyrmaý jáne sybaılas jemqorlyqqa qarsy is-qımyl boıynsha profılaktıkalyq jumysty jetildirý maqsatynda UKQMO basqarmasynyń tóraǵasy Esetjan Qosybaevtyń buıryǵymen ústimizdegi jyldyń naýryz aıynda sybaılas jemqorlyqqa qarsy is-qımyl boıynsha is-sharalar ázirleý jónindegi jumys toby quryldy. Onyń negizgi mindetteri: sybaılas jemqorlyqqa qarsy is-qımyl boıynsha ishki qujattardy ázirleý, sybaılas jemqorlyqqa qarsy monıtorıng júrgizý jáne uıym qyzmetindegi sybaılas jemqorlyq táýekelderin anyqtaý, ujymda túsindirý jumystaryn júrgizý, múddeler qaqtyǵysyn anyqtaý jáne retteý, korporatıvtik etıkalyq qundylyqtardy damytý.
Korporatıvtik basqarýdyń ozyq tájirıbelerin qoldaný maqsatynda UKQMO-da komplaens-baqylaý fýnksııasy engizilip, iske asyrylýda, onyń maqsaty – komplaens-táýekelderdi basqarý. Bul jumysty iske asyrý basshydan jáne bas komplaens-baqylaýshydan turatyn komplaens qyzmetine júktelgen. Onyń quziretine kınoortalyq qyzmetiniń qoldanystaǵy zańnamanyń, onyń ishinde ýákiletti organnyń normatıvtik-quqyqtyq aktileriniń, sondaı-aq kompanııanyń ishki erejeleri men rásimderiniń talaptaryna sáıkestigine ishki baqylaýdy júzege asyrý kiredi. Komplaens qyzmeti sonymen qatar alaıaqtyq pen sybaılas jemqorlyqqa qarsy is-qımyl júıesin uıymdastyrýǵa jáne onyń jumys isteýine jaýap beredi.
– Búgingi tańda álemde korporatıvtik parasattylyqty qamtamasyz etýdiń jáne sybaılas jemqorlyqty joıýdyń negizgi quraly – táýekelderdi basqarý jáne ishki baqylaý sheńberindegi táýelsiz komplaens qyzmetteriniń tıimdi qyzmeti bolyp sanalady, – dep atap ótti «Ulttyq kınony qoldaý memlekettik ortalyǵy» KEAQ komplaens-qyzmetiniń basshysy Marat Kamzoldaev.
Komplaens qyzmeti mamandarynyń negizgi mindetteriniń biri – sybaılas jemqorlyqtyń aldyn alý jáne uıymnyń iskerlik bedelin qorǵaý. Bul rette eń mańyzdy basymdyǵy – aldyn-alý.
UKQMO laýazymdy tulǵalar men mamandar arasyndaǵy sybaılas jemqorlyq pen alaıaqtyqtyń barlyq faktileri, olardyń tarapynan Qazaqstan Respýblıkasy zańnamasynyń, onyń ishinde ýákiletti memlekettik organdardyń normatıvtik-quqyqtyq aktileriniń normalaryn, kompanııanyń ishki normatıvtik qujattaryn buzý týraly habarlamalardy adaldyqalany@kazakhcinema.kz elektrondy poshtasyna joldaýdy suraıdy. Qupııalylyqqa kepildik beriledi. Jaqyn arada yqtımal sybaılas jemqorlyq faktileri boıynsha júginýge bolatyn «jedel» jelini qurý josparlanýda. Kınoortalyqtyń resmı saıtynda barlyq qajetti aqparat qoljetimdi bolatyn arnaıy bólim ashylady.
– Bul sharalardyń barlyǵy, birinshi kezekte, sybaılas jemqorlyqqa qarsy mádenıetti qalyptastyrýǵa jáne parasattylyq qundylyqtaryn ilgeriletý úshin qolaıly orta qurýǵa baǵyttalǵan, – deıdi UKQMO basshysy Esetjan Qosybaev.
Ulttyq kınony qoldaý memlekettik ortalyǵynyń komplaens qyzmeti uıym ishindegi sybaılas jemqorlyq áreketteriniń aldyn alý quraly retinde tıimdi bolatyny sózsiz.
