Kazakhstan Green Day sheńberinde óńirlik ekologııalyq syn-qaterlerdi basqarý júıesine, eń ozyq qoljetimdi tehnologııalardy (OQT) engizýge, sondaı-aq parnıktik gazdardy basqarýǵa qatysty birqatar másele talqylandy.
Shara oflaın jáne onlaın formatta ótti.
Qazaqstan pavılonynyń bıznes-laýndjynda spıkerler men delegattardyń qatysýymen paneldik sessııalar uıymdastyryldy. Ony Dýbaıdyń Elektrmen jabdyqtaý jáne sýmen jabdyqtaý basqarmasynyń (DEWA) Bas dırektory Saıd Mohammed Al Taıer ashty. Sondaı-aq qatysýshylardy QR BAÁ-degi Tótenshe jáne О́kiletti Elshisi M. Meńilbekov pen Qazaqstannyń ekologııalyq uıymdary qaýymdastyǵynyń Basqarma tóraǵasy A. Soloveva qarsy aldy. Sonymen qatar sharaǵa halyqaralyq sarapshylar vıdeokonferensııa baılanysy arqyly qosyldy.
Spıkerler qatarynda negizgi halyqaralyq jáne ulttyq sarapshylar, keshendi lastanýdyń aldyn alý jáne oǵan qarsy kúres jónindegi Eýropalyq Bıýro (European Integrated Pollution Prevention and Control Bureau), Reseı Federasııasynyń eń ozyq qoljetimdi tehnologııalar bıýrosy, Eýropalyq Odaqtyń jobasy – Ortalyq Azııa: sý resýrstary, qorshaǵan orta jáne klımattyń ózgerýi salasyndaǵy yntymaqtastyq (WECOOP), Ortalyq Azııanyń óńirlik ekologııalyq ortalyǵy (OAО́EO), Citepa aýany lastaý jónindegi Fransýz tehnıkalyq ortalyǵy jáne taǵy basqa uıymdardyń ókilderi boldy.
Olar «Jasyl kópir» seriktestik baǵdarlamasy jáne jasyl tehnologııalar transferiniń mehanızmi retinde óńirlik ekologııalyq táýekelderdi basqarý júıesin talqylady. Sondaı-aq Eýropalyq Odaq pen Reseı Federasııasynyń OQT engizý boıynsha tájirıbesi sóz boldy. Úshinshi paneldik sessııa sheńberinde Qazaqstannyń tómen kómirtekti damý salasyndaǵy saıasaty jáne parnıktik gazdardy basqarý salasyndaǵy is-qımyldardyń ashyqtyǵy qaraldy.
Shara sońynda Qazaqstannyń iri ónerkásiptik kompanııalarynyń («KEGOC» AQ, «Samuryq-energo» AQ, ERG, «QazMunaıGaz» UK» AQ, «ArselorMıttal Temirtaý» AQ, Kazminerals, Kazakhmys) ókilderimen OQT engizý jáne damytý máseleleri qozǵaldy.
Qatysýshylar Halyqaralyq jasyl tehnologııalar jáne ınvestısııalyq jobalar ortalyǵynyń ónerkásiptiń negizgi salalarynda OQT anyqtamalaryn ázirleý boıynsha júrgizip jatqan jumysyn joǵary baǵalady.
Shara uıymdastyrýshysy - «Halyqaralyq jasyl tehnologııalar jáne ınvestısııalyq jobalar ortalyǵy» KEAQ.
