Aımaqtar • 07 Qazan, 2021

Menshikti tilshi múmkindigi shekteýli jandardyń máselesin kóterdi

71 ret kórsetildi

«Nur Otan» partııasynan saılanǵan Túrkistan oblystyq máslıhatynyń depýtaty retinde, sol óńirdegi tilshimiz Ǵalymjan Elshibaı múmkindigi shekteýli jandardyń máselesi «Kedergisiz keleshek» baǵdarlamasyndaǵydaı bolǵanyn maqul kóredi, dep jazady Egemen.kz.

Bas partııanyń atalǵan baǵdarlamasynda erekshe qajettilikteri bar adamdardyń qoǵamnan tys qalmaı, emin-erkin júrip-turýyna ońtaıly jaǵdaı jasap, kedergisiz orta qalyptastyrýǵa mán berilgen. Sondaı-aq qoǵamdyq nysandardyń pandýstarmen, beıimdelgen lıfttermen, dárethanalarmen, zaǵıptarǵa arnalǵan baǵyttaýshy belgilermen qamtamasyz etý qaralǵan.

О́rkenıetti el sanatynda eńse tikteý, tek ekonomıkanyń qarqynymen ólshenbeıtinin eskergen Ǵalymjan Elshibaı erekshe jandardyń ózderin qoǵamnan jat sezinbeýi úshin qolaıly jaǵdaı jasalýy tıis ekenin tilge tıek etti.

О́zi de qazaq qoǵamynyń múshesi, jergilikti máslıhattyń depýtaty retinde jańarǵan, túrlengen Túrkistanda múmkindigi shekteýli jandardyń qonaq bolýyna muryndyq boldy. Birinshi jáne ekinshi toptaǵy múgedek jandar, olardyń kútýshileri men áleýmettik sala mamandaryn qosqanda jalpy sany 20 adam elimizdiń rýhanı astanasyna sapar shegip, tarıhı, kórikti oryndardy kórip qaıtty.

Teledıdardan tamashalap qana tamsanyp júrgenderdiń qýanyshyn áleýmettik jelidegi paraqshasy arqyly jurtshylyqqa jarııalady.

«Saıahatshylar áýeli týrısterge qyzmet kórsetý maqsatynda ashylǵan «Vızıt ortalyǵynda» bolyp, etnografııalyq zal men «Qazaq handyǵy» zalyndaǵy eksponattardy tamashalady. Árıne, Túrkistanǵa baryp turyp áıgili Qoja Ahmet Iаssaýı kesenesine zııarat jasap shyqpaý múmkin be? Kesenedegi zııarat, ataqty Taıqazan janynda jan-jaqty pikir almasý keremet áser syılady. Sondaı-aq áýendi sýburqaq, etnoaýyl jáne «Uly dala eli» ortalyǵyn aralady. Qazaq eliniń tarıhy men mádenıeti týraly ártúrli taqyrypty ashatyn 9 ekspozısııalyq aımaqtan turatyn ortalyqta qundy aqparattar aıtyldy. Al Kerýen saraı týrıstik keshenimen tolyq tanysyp shyǵýǵa altyn ýaqyt jetpegendikten amalsyz «kelesi joly kelgende de kóretin jer qalsyn», dep óz-ózimizdi jubatyp saparymyzdy sol núkteden túıindedik», dep jazdy Ǵalymjan Elshibaı.

Erekshe saıahatshylardyń tebirenisi men shyn qýanyshyn jelidegi jazbada bólisti.

Eýropadaǵy múmkindigi shekteýli jandardyń 70 paıyzyna jýyǵy jylda túrli oryndarǵa saıahattap turady eken. Bizdiń eldegi jaǵdaıdyń da osy dárejege jetýine tilshi de múddeli ekendigin bildirdi.

1

1

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar