Jazýshylardyń jumysy máńgi toqtamaıdy

Abdýlrazak Gýrna: Sálemetsiz be!

Adam Smıs: Esensiz be, Men Abdýlrazak Gýrnamen sóılesip turmyn ba?

Abdýlrazak Gýrna: Iá, solaı.

Adam Smıs: Meniń esimim...

Abdýlrazak Gýrna: Men álginde ǵana habarlamany kompıýterimnen kórdim, siz kim boldyńyz?

Adam Smıs: Men sizge Nobel akademııasynyń arnaýly saıtynan habarlasyp turmyn, esimim Adam Smıs. Sóılese alasyz ba, joq  álde habarlamany jalǵasty kórip otyrsyz ba? Sizdi mazalamasam eken.

Abdýlrazak Gýrna: Jaraıdy, onsyzda meni endi jýrnalısterdiń mazalaýy bastaldy ǵoı.

Adam Smıs: Durys aıtasyz, habarlamadan bárin estidińiz ǵoı, osy sátten bastap ómirińizde ózgeris bolary daýsyz. Topan sý basady degen sóz bar, siz bolashaq týraly ne oılaısyz?

Abdýlrazak Gýrna: Iá, sondaı sóz bar ekeni shyndyq. Al myna syılyq men úshin óte úlken marapattyń biri. Bul sózsiz istelýge tıisti is edi, kúnderdiń kúni osyǵan qol jetkizetinime sengenmin.

Adam Smıs: Súıinshili habardy qalaı estidińiz?

Abdýlrazak Gýrna: Olar maǵan telefon shaldy, keshirińiz, hatshynyń esimi kim edi?

Adam Smıs: Mats Malm.

Abdýlrazak Gýrna: Iá, sol kisi maǵan on mınýt buryn habaralsty. Qapelimde ne isterimdi bilmeı qaldym. Shynymen solaı boldy. Ádette bundaı habarlardyń sybysyn bir neshe apta nemese bir aı buryn estıtinbiz, kimniń úmitker ekenin de qulaǵymyz shalatyn. Al men ózim alamyn degen oıda bolǵan joqpyn. Tek kim alar eken dep oıladym.

Adam Smıs: Hatshy sizdiń syılyq alǵanyńyzdy qalaı sendirdi?

Abdýlrazak Gýrna: Ol asa baıyppen sóıledi, sosyn ol Shved akademııasynyń saıty týraly aıtty. Men «dereý kirip, teksereıin, biraq ne bolǵanyn aıtyńyzshy» dedim. Ol esh asyǵar emes. Men sońyna deıin kúteıin nemese bireýden estıin degen oıda boldym. Aqyrynda osylaı boldy...

Adam Smıs: Árıne, bul shyndyq. Nobel syılyǵy...

Abdýlrazak Gýrna: Keshirińiz, maǵan telefon kelip jatyr.

Adam Smıs: Iá, túsinip turmyn. Sol úshin suraǵymdy tezdeteıin.

Abdýlrazak Gýrna: Men myna telefonǵa jaýap berip alaıynshy.

Adam Smıs: Jaraıdy.

Abdýlrazak Gýrna: Amansyń ba? Iá, siz bul habardy endi ǵana estidińiz be? Men qazir Shved akademııasymen sóılesip otyr edim, bes mınýttan keıin telefon shalarsyz, sóıtersiz. Iá, jelide barsyz ba? Álginde telefon shalǵan BBC ortalyǵy sııaqty.

Adam Smıs: Olar da sizden suhbat alǵysy kelgen bolar. Dál qazir sizben bári sóıleskisi keledi dep oılaımyn. Dáıek sózde «Bosqyndar taǵdyry» men «Mádenıet pen qurlyqtar arasyndaǵy alshaqtyqty» qalaı sheshim etkendigińiz týraly aıtyldy. Bul taqyryp qazir óte aktýaldy. Biz qazir bosqyndar daǵdarysynyń ortasynda turmyz. Mádenıetter arasyndaǵy alshaqtyqqa qalaı qaraısyz? Árıne, buny sýretteýdiń kóptegen ádisteri bar dep oılaımyn.

Abdýlrazak Gýrna: Menińshe, bul túıin máńgilik sheshilmeıtindeı seziledi. Árıne, adamdar ári-beri bosyp, kóship júr. Ásirese Afrıkadan Eýropaǵa keletinderdiń basynda bolǵan jaǵdaılar meniń nazarymda. Bul salystyrmaly túrde jańa qubylys. Al anda-munda aǵylyp jatqan eýropalyqtar eshkim úshin de jańalyq emes. Bizde bul qubylys birneshe ǵasyrǵa jalǵasqan. Sol úshin Eýropalyq memleketter men sonda jasap jatqan halyq úshin buny qabyldaýdyń ózindik túri bar dep oılaımyn. Uzyn sózdiń qysqasy, biz buny sarańdyq desek durys bolar. Munda bosqyndar kelse, eń aldymen qoǵamnyń qajetinen shyǵady. Tipti solardyń ishinde talantty, energııasy myqty, elge, qoǵamǵa birdeńe bere alatyn adamdar da bar. Sol úshin bul týraly aıtýdyń, bul jóninde oılanýdyń basqasha joly bolýy múmkin.   

Adam Smıs: Kóp rahmet sizge. Endi suraıyn degenim, jyl saıyn ǵalymdar men ádebıetshilerdi osy aptalyq habarlandyrýmen baılanystyrady. Ǵalymdar óz jumystaryn oıyn retinde zertteýdiń bir túrli lázzaty dep sanaıdy eken. Al siz shyǵarma jazǵanda osylaı oılaısyz ba?

Abdýlrazak Gýrna: Men bir shyǵarmany aıaqtaǵanda qatty qýanamyn. Jazýshylardyń jumysy máńgi toqtamaıdy, jalǵasa beredi. Eger bul salany unatpasańyz, onda qalamyńyz jol ortada sýıdy. Meniń oıymsha, bir nárseni jasaýdyń, túzeýdiń lázzaty basqasha. Al basqalarǵa lázzat syılaý, qýandyrý, ılandyrý degenderdiń óz rahaty bar.

Adam Smıs: Sizge kóp rahmet. Sizden suhbat alýǵa asyqqandarǵa sizdiń óte ashyq pikirde ekenińizdi aıtqym keledi.

Abdýlrazak Gýrna: Saǵan da rahmet!

Adam Smıs: Keleside keńirek sóılesermiz, qazirshe osy da jeter. Úlken syılyq alýyńyzben shyn júrekten quttyqtaımyn!