Astyndaǵy tulparynyń babyn tapqan batyrlar dástúrli asyq atý oıynynda baq synasa, al apaıtós balýandarymyz qazaq kúresiniń sánin keltirmek. Al shaqar da shandoz shabandozdar kúsh pen bilek jáne aqyl men qaırat qatar topqa túsetin kókpar oıynynda kimniń myqty ekenin anyqtamaq.
Respýblıkamyzdyń túkpir-túkpirinen jınalǵan sportshylar – óz aımaǵynda irikteýden ótip, úzdikter qatarynan tabylǵandar. Soltústik Qazaqstan, Ońtústik Qazaqstan, Batys Qazaqstan, Shyǵys Qazaqstan oblystarynyń tańdaýly sportshylary ulttyq oıyndarymyzdyń kórkin qyzdyrmaq nıette.
Jalpy alǵanda 7 oıyn túrinen jarystar ótkizý josparlanǵan eken. Atap aıtsaq, asyq atý, qazaq kúresi, toǵyzqumalaq, aýdaryspaq, kókpar, jamby atý, teńge ilý. Bul – babamyzdan bizge jetken asyl mura, qazaqtyń qanyna sińgen básekeli báıgeler. Sondyqtan ár óńirden óz baǵyn synaý úshin kelgen jalyndy jigitterdiń erligine súısinýge bolady.
Otyz jyldyq torqaly toıǵa oraılastyrylǵan ulan-ǵaıyr sport sharasyn uıymdastyrýǵa Mádenıet jáne sport mınıstrligi Sport jáne dene shynyqtyrý isteri komıtetine qarasty «Ulttyq jáne at sporty túrleri ortalyǵy» RMQK muryndyq bolyp otyrǵanyn da aıta keteıik. Ulttyq oıyndar qazaq mádenıetiniń ajyramas bóligi ekeni daýsyz. Onda halyqtyń ómiri men minezi jatyr.
Deneshynyqtyrý salasy – memleket saıasattynyń mańyzdy bóligi. Ásirese, ulttyq oıyndarymyz ultty biriktiretin úlken kúshke ıe.
