Bilim • 08 Qazan, 2021

Nobel syılyǵynyń laýreaty qazaqstandyq stýdenttermen kezdesti

96 ret kórsetildi

Ekonomıka boıynsha Nobel syılyǵynyń laýreaty Maıkl Spens Nobel festıvali aıasynda Qazaqstan men Ortalyq Azııa elderiniń sarapshylary men stýdentteri aldynda sóz sóıledi, dep habarlaıdy Egemen.kz.

Sharaǵa belgili qazaqstandyq sarapshylar men saıasatkerler de qatysty. Jıyndy ekonomıka men ınvestısııa salasyndaǵy sarapshy Marat Birimjan júrgizdi. Jıyn S.Seıfýllın atyndaǵy QazATÝ-da uıymdastyryldy.

Maıkl Spens álemdik deńgeıde ekonomıka salasyn zerttegen tulǵa. Jáne onyń birshama tujyrymdary ekonomıkanyń negizgi salalaryna edáýir tıimdi ózgerister ákelgen. Jıyndaǵy negizgi taqyryp – úlken ózgeristerdiń jańa dáýiri haqynda boldy. Onyń ishinde «Jahandyq ekonomıkanyń jańa dáýiri: sıfrlyq revolıýsııa, energııanyń aýysýy, klımat jáne polıýsteriniń keri ketýi men álemdi úreılendirgen COVID-19 pandemııasy saldarynan ekonomıkanyń qaıta túleýi» boıynsha da pikirtalas uıymdastyryldy.

Sonymen birge Nobel syılyǵynyń laýreaty búkil álem úshin, Qazaqstan men Ortalyq Azııa úshin de ekonomıkalyq damýǵa qajetti mańyzdy kórsetkishterin aıtyp, qysqasha taldap ótti.

Sarapshylar men kórermender, jahandyq ekonomıka, sıfrlyq damý, energetıkalyq ósý, ekologııalyq ońalý men aýyl sharýashylyǵy jáne azyq-túlik sektoryndaǵy jańa úrdister boıynsha da túıtkildi máselelerdi ortaǵa tastaýǵa múmkindik aldy.

Sarapshyǵa «Álemniń damýyndaǵy negizgi táýekelderdiń biri – azyq-túlik salasy men onyń daǵdarysy bolmaq. Sizdiń oıyńyzsha, klımattyń ózgerýi men halyqtyń ósýin eskere otyryp, bul prosess qanshalyqty nasharlaýy múmkin?» degen suraq qoıyldy. О́z kezeginde Doktor Maıkl Spens azyq-túlik qaýipsizdigin saqtap, álemdi ashtyqtan qorǵaý úshin búginnen bastap eńbektený kerektigin aıtty. Ǵalymdar jan-jaqty másele kóterip, ǵalamdyq jylynýdyń aldyn alyp, adamnan ózge tehnıkany da ıkemdegeni abzal ekendigin basa aıtty.

Aıta keteıik, Nobel festıvali sharasyna QazATÝ men G-Global halyqaralyq hatshylyǵy demeýshilik tanytyp otyr.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar