Vedomstvonyń málimetinshe, Dýjnov 2003 jyldan 2012 jylǵa deıin 6 elde bolǵan.
«Atap aıtqanda, azamat Igor Dýjnov Taılandqa (2003, 2004, 2007 jáne 2008 jyldary), Reseıge (2004, 2006, 2007 jáne 2009 jyldary), Qytaıǵa (2006, 2007 jáne 2012 jyldary), sonda-aq Túrkııaǵa (2005 jyly) jáne Nıderlandyǵa (2005 jyly) bardy», dep habarlady UQK baspasóz qyzmeti.
Sonymen qatar UQK málimetteri boıynsha, ol 2008 jyldyń qyrkúıeginde Ýkraınada da bolǵan. Alaıda qandaı maqsatpen barǵandyǵy kórsetilmegen.
Eske salaıyq, oqıǵa 20 qyrkúıekte keshke bolǵan, shamamen saǵat 17.20 shamasynda Aqbulaq móltek aýdanyndaǵy úı ıesiniń biri ańshy myltyǵynan oq atqan. Kýágerlerdiń aıtýynsha, atys bir mınýt ishinde bolǵan.
Almatylyq atqysh bes adamdy óltirdi. Qaza bolǵandar arasynda eki polısııa qyzmetkeri, sot oryndaýshysy, sondaı-aq úıdiń jańa ıesi men kýáger bar.
