7 qazanda «Sheteldik jáne otandyq hıtter» atty konserttik baǵdarlama ótken bolatyn. Onda jas ártister tanymal kompozıtorlardyń ánin oryndap, biregeı nómirlerin usyndy. Balalardyń ónerin estradamyzdyń jas juldyzdary baǵalady. Olardyń ishinde Álı Oqapov, Áıgerim Raqysheva (Ayree), Erden Jaqsybekov, Beıbit Kóshqalıev jáne Dıana Snegına bar.
Al 9 qazan kúni baıqaýdyń 5 jyldyǵyna jáne Táýelsizdiktiń 30 jyldyǵyna arnalǵan «Týǵan kúnińmen, «Bala daýysy!» gala-konserti ótti.
Balalar tálimgerlermen – ótken jyldardyń fınalısterimen birge avtorlyq án kompozısııalaryn oryndady. Altynshy maýsymnyń Gran-prı ıegeri – Nur-Sultan qalasynyń ónerpazy Jasmına Túzelova atandy. Oǵan Ulttyq О́ner ýnıversıtetinde oqýǵa grant berildi.
Birinshi oryn – mańǵystaýlyq Ámına Asǵatovaǵa berilse, ekinshi oryn – almatylyq Iýlııa Maks pen Qaraǵandy oblysynan Vıktor Emelıanovqa buıyrdy. Qalǵan úsh fınalıst úshinshi oryn syılyǵyna ıe boldy. Olar – Atyraý oblysynan Altynaı Tólegen, Qyzylorda oblysynan Madııar Serik jáne Túrkistan oblysynan Maııa Bolat.
«Telekórermender júldesi» atalymynda Batys Qazaqstan oblysynan kelgen Sanjar Dáýkenov jeńimpaz atandy.
