Bul týraly LS basylymy málim etti.
Eńbek resýrstaryn damytý ortalyǵynyń málimetinshe, qyrkúıek aıynda Almatyda bos jumys oryndarynyń sany 10%-ǵa azaıdy. Mańǵystaý oblysynda bul kórsetkish 7%-ǵa tómendegen.
Sonymen qatar, Almaty elektrondyq eńbek bırjasynda (EBT) jumys izdeýshiler sany 24%-ǵa, al Mańǵystaý oblysynda 21%-ǵa qysqardy.
Almaty oblysynda jumysshylarǵa degen qajettilik 6,6 myńǵa artyp, 12,6 myńǵa jetti.
Túıindemeniń eń kóp ósýi Aqmola (+40%; 1,6 myń túıindeme) jáne Soltústik Qazaqstan (+39%; 2 myń túıindeme) oblystarynda baıqaldy.
Jalpy elimizde 137,9 myń bos jumys orny (+22%) jáne 62,2 myń túıindeme (+8%) ornalastyryldy.
Mamandarǵa joǵary suranys bilim berý salasynda baıqalady – 18 myńnan astam bos jumys orny. Bul oflaın oqýǵa oralýmen baılanysty.
Olarmen qatar ot jaǵýshylar, qazandyq operatorlary jáne qazandyq mashınısteri tapshylyǵy artty, olar úshin ótken aıǵa qaraǵanda ósim 2,9 myńǵa jýyq bos oryndy qurady. Al qyrkúıek aıynda olarǵa degen jalpy qajettilik 3 myńnan astam bos oryn bolǵan.
Sondaı-aq, qyrkúıek aıynda 7,8 myń ıntervıýer bos jumys orny ornalastyryldy. Eń kóbi Túrkistan, Shyǵys Qazaqstan, Almaty jáne Jambyl oblystarynda.
Budan basqa, kúzetshiler (504 túıindeme jáne 2,3 myń bos jumys orny), avtokólik júrgizýshileri (948 túıindeme jáne 2 myń bos jumys orny), tárbıeshiler (1,3 myń túıindeme jáne 2,3 myń bos jumys orny) jetkiliksiz. Biliktiligi tómen jumys kúshi arasynda qosalqy jumysshylar, júk tıeýshiler, ártúrli jumysshylar, as úı qyzmetkerleri jáne mektepterdegi tazalaýshylar tapshy.
Zańgerler (331 bos orynǵa qarsy 790 túıindeme), dene shynyqtyrý jáne sport muǵalimderi (1,3 myń túıindeme jáne 965 bos oryn), sondaı-aq, qarjygerler (238 túıindeme jáne 24 bos oryn) kóp boldy. Biliktiligi tómen jumys kúshi arasynda vahterler men eldi mekenderdi abattandyrý boıynsha jumys oryndary úshin joǵary básekelestik baıqalady.
О́ńirlik bóliniste bilim berý salasyndaǵy kásiporyndar Almaty (3,6 myń bos jumys orny), Aqtóbe (2,7 myń), Qaraǵandy oblystarynda (2,3 myń) jáne Nur-Sultanda (2,3 myń) úlken suranys tanytty. О́z kezeginde aýyl sharýashylyǵy kásiporyndary ońtústik óńirlerde, atap aıtqanda Túrkistan (3,5 myń), Almaty (2,3 myń) jáne Jambyl (1,6 myń) oblystarynda bos oryndardyń kóbirek sanyn ornalastyrdy.
