Ekonomıka • 13 Qazan, 2021

HVQ Álemdik ekonomıka quldyrap jatqanyn málimdedi

405 ret

kórsetildi

2 mın

oqý úshin

Halyqaralyq valıýta qory (HVQ) álemdik ekonomıkanyń ósý boljamyn 2021 jyly 5,9 paıyzǵa tómendetti, bul shildedegi baǵadan 0,1 paıyzǵa tómen, dep habarlaıdy Egemen.kz.

Gaýhar QAPASh

HVQ Álemdik ekonomıka quldyrap jatqanyn málimdedi

Bul týraly Reuters agenttigi málimdedi.

HVQ-nyń «Álemdik ekonomıkanyń damý perspektıvalary» baıandamasyna saı jetkizý tizbegindegi turaqty sátsizdikter men baǵa qysymy COVID-19 pandemııasynan keıin álemdik ekonomıkanyń qalpyna kelýine kedergi keltiredi, óıtkeni bul Amerıka Qurama Shtattary men basqa da iri ónerkásiptik derjavalardyń ósýin tejeıdi.

HVQ 2021 jylǵa arnalǵan álemdik ekonomıkanyń ósý boljamyn shildede jasalǵan 6,0 paıyzdyq boljamnan 5,9 paıyzǵa deıin tómendetkenin atap ótti. Qor 2022 jylǵa arnalǵan jahandyq ósý boljamyn 4,9 paıyz deńgeıinde ózgerissiz qaldyrdy.

«Bul qarapaıym ózgeristiń artynda keıbir elder úshin boljamdardyń aıtarlyqtaı tómendeýi tur. Pandemııa deńgeıiniń nasharlaýyna baılanysty tabysy tómen damýshy elder úshin boljam tómendedi. Reıtıngtiń tómendeýi ekonomıkasy damyǵan elderge neǵurlym kúrdeli qysqa merzimdi perspektıvalardy da kórsetedi», delingen baıandamada.

HVQ sarapshylary ekonomıkasy damyǵan elderdiń JIО́-niń 5,2 paıyzǵa ósýin kútip otyr. Bul memleketterdiń ishinde eń úlken ósim 2021 jyly Ulybrıtanııada (6,8 paıyz), ekinshi orynda Fransııa (6,3 paıyz), úshinshi orynda AQSh (6 paıyz) bolady dep josparlap otyr. Eýroaımaq boıynsha ortasha ósim 5 paıyz bolady. Bul oraıda 2022 jyly Ispanııa birinshi orynǵa, AQSh ekinshi orynǵa, al Ulybrıtanııa úshinshi orynǵa shyǵady.

Qor sarapshylarynyń baǵalaýynsha, Qazaqstannyń JIО́ 2021 jyly 3,3 paıyzǵa artady.

Qor pandemııaǵa baılanysty jaǵdaı nasharlaýyna qaramastan, álemdik ekonomıka qalpyna kele jatqanyn atap ótti.