Parlament • 14 Qazan, 2021

Senat Kaspıı teńizin qorǵaýǵa qatysty zań qabyldady

97 ret kórsetildi

Parlament Senatynyń jalpy otyrysynda «Kaspıı teńiziniń teńiz ortasyn qorǵaý jónindegi negizdemelik konvensııaǵa bıologııalyq ártúrlilikti saqtaý týraly hattamany ratıfıkasııalaý týraly» Zańy qabyldandy, dep habarlaıdy Egemen.kz.

Hattamanyń maqsaty - Kaspıı teńiziniń bıologııalyq ártúrliligin, ekojúıesin saqtaý jáne bıologııalyq resýrstardy turaqty paıdalanýdy qamtamasyz etý.

Osyǵan baılanysty, Kaspıı mańy memleketterimen mynadaı sharalardy qabyldaý qarastyrylǵan:

1. qorǵalatyn túrler men olardyń mekendeý oryndaryna teris áserin tıgizetin qyzmetti retteý;

2. flora men faýnanyń qorǵalatyn túrlerin, olardyń bólshekterin, sondaı-aq derıvattardy kommersııalyq maqsatta ádeıi, kezdeısoq aýlaýdy jáne qajet bolýyna qaraı olarǵa tyıym salýdy baqylaý.

Árbir tarap basqa taraptar qarsy bolmaǵan jaǵdaıda osy Hattamanyń maqsattaryn qorǵaý maqsatynda teńiz ortasynda jáne jaǵalaý aýmaǵynda qorǵalatyn aýdandardy bóle alady.

«Aýdandardy qorǵaý jáne olardy basqarý maqsatynda Taraptar qajetti tabıǵat qorǵaý sharalaryn kózdeıdi. Onyń ishinde ekojúıeniń tutastyǵyna tikeleı nemese janama zııan keltirýi múmkin qaldyqtar men ózge de zattardy kómýge nemese ornalastyrýǵa tyıym salýdy engizý, osy aýdanǵa ıntrodýksııany jáne reıntrodýksııany retteý, qurylys nemese izdestirý jumystaryna baılanysty kez kelgen qyzmetti retteý, balyq aýlaýdy, ańshylyqty, janýarlardy aýlaýdy, ósimdikter jınaýdy nemese olardy joıýdy retteý eskerilgen.

Hattamaǵa qosylý Qazaqstannyń bıologııalyq ártúrliligin saqtaýǵa, teńiz kemelerinen jáne antropogendik kózderden qorshaǵan ortanyń lastanýyn jol bermeýge, bıologııalyq resýrstardy ornyqty paıdalanýdy qamtamasyz etýge, sondaı-aq Kaspıı teńiziniń teńiz ortasyn qorǵaý jónindegi jedel jáne tıimdi sharalardy iske asyrý jónindegi memleketterdiń kópjaqty yntymaqtastyǵyna járdemdesýge qatysý qajettiligimen aıqyndalady», dedi QR Ekologııa, geologııa jáne tabıǵı resýrstar mınıstri Serikqalı Brekeshev.

Onyń aıtýynsha, Hattama múddeli memlekettik organdarmen eskertýlersiz kelisildi jáne teris áleýmettik-ekonomıkalyq saldarǵa ákep soqtyrmaıdy.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar