Qazaqstannyń jańa tarıhyn bilýge arnalǵan onlaın-test Táýelsizdiktiń 30 jyldyǵyna arnalǵan is-sharalar navıgatory saıtynda tamyz aıynda iske qosyldy. Onda KSRO ydyraǵannan keıingi respýblıkanyń damý kezeńinen bastap, qazirgi kezeńge deıingi mańyzdy oqıǵalar jınaqtalǵan.
Sońǵy eki aıdaǵy statıstıkaǵa sáıkes, kvız qatysýshylary 21 suraqtyń ishinen 10 suraqtyń jaýabyn durys taba alyp júr. Qyrkúıekte test 47 myń ret nemese shamamen kúnine 1500 ret tapsyryldy. Testke Shyǵys Qazaqstan, Pavlodar jáne Aqmola oblystarynyń turǵyndary belsendi qatysty. Testten ótý qorytyndysy boıynsha árbir qatysýshy óziniń derbes onlaın-sertıfıkatyn aldy.
«Onlaın-testten ótken adamdardyń 70%-y 25 jasqa deıingi jastar ekendigi kóńil qýantady. Tarıhı kvız – bul bizdiń elimizdiń qalyptasýy men damýynyń 30 jyldyq tarıhyn ınteraktıvti túrde eske alýǵa bolatyn jobalardyń biri», dep atap ótti QR Táýelsizdiginiń 30 jyldyǵy merekelik is-sharalaryn úılestirý jónindegi jobalyq keńseniń basshysy Baǵlan Aıdashov.
Barlyq qatysýshylardyń nátıjeleri, durys jaýaptar sany men jumsalǵan ýaqyt negizinde ázirlenetin jalpy reıtıngke engiziledi. 11 qazandaǵy málimettege sáıkes, ázirge eń úzdik nátıjeni Ǵalııa Ysqaqova kórsetti. Ol barlyq suraqqa 1 mınýt 40 sekýndta durys jaýap berdi.
«Men bul kvız týraly Qazaqstan tarıhshylarynyń ortaq chatynan bilip, oǵan qatysamyn dep sheshtim. Test suraqtary qyzyqty, olar tek mektep baǵdarlamasy negizinde ǵana emes, sonymen birge adamnyń jalpy tanymyn bilýge negizdelgen. Men úshin eń qıyn suraqtar paıyzǵa baılanysty suraqtar boldy. О́zimdi kestede birinshi orynda turǵanymdy kórgende, árıne, qýandym! Al sertıfıkatymdy saqtap, tipti áriptesterime de jiberip úlgerdim. Osy sııaqty tanymdyq is-sharalardyń qaı-qaısysy bolsa da óskeleń urpaq úshin óte paıdaly dep oılaımyn», deıdi Ǵalııa Ysqaqova. Ustaz 13 jyldan astam ýaqyt boıy Aqmola oblysy Egindikól aýdany Qorjynkól aýylynyń shaǵyn jınaqty mektebinde sabaq berip keledi.
Esterińizge sala keteıik, onlaın-test QR Táýelsizdiginiń 30 jyldyǵy aıasynda ótkiziletin, barlyq is-sharalar týraly anonstar men jańalyqtar jarııalanatyn, 30jyl.kz arnaıy saıtynda iske qosyldy. 30jyl.kz saıtynda el turǵyndary táýelsiz Qazaqstannyń tarıhyn qanshalyqty bile alatyndyqtaryn teksere alady. Aıta keterligi, kvız suraqtaryn tarıhshylar ázirledi.
Jyl sońynda eń úzdik qatysýshylarǵa estelik syılyqtar tabystalady. Igi bastamany QR Aqparat jáne qoǵamdyq damý mınıstrligi janyndaǵy jobalyq keńse júzege asyrady jáne ol Qazaqstan Táýelsizdiginiń 30 jyldyǵyna oraı qolǵa alynǵan.
Testti myna silteme boıynsha ótýge bolady: https://30jyl.kz/ru/test/
