«Almaty oblysy PD polısııa qyzmetkerleri «Jer qoınaýyn qorǵaımyz» profılaktıkalyq is-sharasynyń birinshi kúni tabıǵat qorǵaý zańnamasyn buzý faktisin anyqtady. Kommersııalyq uıym eshqandaı qujatsyz ózen jaǵasynan qıyrshyq tasymaldady. Ýchaskelik ınspektorlar men patrýldik qyzmet qyzmetkerleri olardyń tehnıkasyn alyp, ákimshilik materıal jasady. Jalpy, jyl basynan beri oblys aýmaǵynda 24 qylmystyq jáne 52 ákimshilik quqyq buzýshylyq faktisi anyqtalyp, 2 mln 300 myń teńgeden astam aıyppul salyndy», dep túıindedi Almaty oblysy PD JPQB О́QQB aǵa ınspektory Serik Baıǵozınov.
Jınalǵan materıal tabıǵat pen memleketke keltirilgen zııandy esepteý úshin ekologııa departamentine beriledi, sodan keıin is júrgizý sheshimin qabyldaý úshin sotqa jiberiledi.
Oblys aýmaǵynda 13-15 qazan aralyǵynda «Jer qoınaýyn qorǵaımyz» jedel-aldyn alý is-sharasy ótkiziledi. Bul is-shara keń taralǵan paıdaly qazbalardy - qum, qıyrshyq tas, usaq tas jáne topyraq, sondaı-aq quramynda altyny bar kendi zańsyz óndirý faktileriniń aldyn alýǵa jáne anyqtaýǵa baǵyttalǵan. Oblystyń avtojoldarynda júk kólik quraldaryn tekserý júzege asyrylady.
