Aımaqtar • 15 Qazan, 2021

Balabaqshada balany jertólege qamap qoıǵan tárbıeshi keshirim surady

117 ret kórsetildi

Túrkistan oblysy Saryaǵash aýdanyna qarasty Qurkeles aýyldyq okrýgindegi «Aq kógershin» balabaqshasynyń tárbıeshisi 5 jasar balany jertólege qamap qoıǵan, dep habarlaıdy Egemen.kz.

Al jertólede eshqandaı qaýipsizdik sharalary saqtalmaǵan. Onda tipti ot jaǵatyn oryn da bolǵan.

«Sol kúni meniń úlken balamnyń týǵan kúni bolǵan edi. Tańerteń saıabaqqa aparmaq bolyp, balalarymdy alyp ketýge keldim. Ekinshi balamdy toptan alyp keleıin dep úlken topqa bara jatsam, jertóleden daýys shyǵady. «Nurıslam» dep aıqaılasam, balamnyń daýysy jertóleden shyǵady, sonda qamalyp otyr. Sodan sizderdi shaqyrdym. Bul jerde bastyq kim desem, qamap otyrǵan kisi «Men» dedi de, esikti qulyptap aldy», dedi Saryaǵash aýdanynyń turǵyny Jámılá Rahym.

Jaǵdaıdy óz kózimen kórgen balanyń anasy quqyq qorǵaý oryndaryna aryzdanǵan. Alaıda balabaqsha tárbıeshisi óziniń kinásin moıyndap, balanyń ata-anasynan keshirim surapty. Al balabaqsha quryltaıshysy bul másele boıynsha shara qoldanylatynyn aıtty. Osy oqıǵadan keıin tárbıeshi jumystan shyǵarylǵan.  
 
«Meni keshirińizder. Barsha halyqtan keshirim suraımyn. Balany jertólege kirgizgenim ras. Bárińiz keshirińizdershi, ótinish sizderden. Mundaı jaǵdaı budan keıin bolmaıdy», dedi balabaqsha tárbıeshisi Gúlmıra Mustafaeva.
Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Uqsas jańalyqtar