Medısına • 19 Qazan, 2021

Aldyn alsa, qaterli isik emdeledi

52 ret kórsetildi

Túrkistan qalasynda Qazaqstan onkologteri men radıologteriniń VIII sezi ótti. Mańyzdy sharada zamanaýı onkologııanyń ózekti máseleleri, sonyń ishinde COVID-19 pandemııasy jaǵdaıynda onkologııalyq kómek kórsetý máseleleri talqylandy.

Sheteldik jáne otandyq mamandar, álemniń jetekshi ǵylymı jáne klı­nıkalyq ortalyqtarynyń ǵalymdary men tájirıbeshileri túrli taqyrypta baıan­dama jasady. Sonymen qatar Qazaq onkologııa jáne radıologııa ǵyly­mı-zertteý ınstıtýty mamandary shetel­dik hırýrgtermen birlesip onkogınekologııa, mammologııa, torakaldy onkologııa bo­ıynsha sheberlik-saǵattar ótkizdi.

Sezge onlaın rejimde qatysqan Premer-Mınıstrdiń orynbasary Eraly Toǵjanov elimizde onkologııalyq kómekti jetildirý Densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasynyń jáne onkologııalyq aýrýlarmen kúres jónindegi 2018-2022 jyldarǵa arnalǵan keshendi jospardyń mindetterin iske asyrý sheńberinde júzege asyrylatynyn atap ótti.

«Búgingi tańda otandyq onkologııa praktıkasyna isikterdi erte dıagnos­tıkalaý men emdeýdiń molekýlalyq-genetıkalyq, ımmýnogıstohımııalyq zertteýler, targettik terapııa, joǵary tehnologııalyq sáýlelik jáne hımıoterapııa, ımmýnoterapııa, eń az ınvazıvti, laporoskopııalyq, aǵzany saqtaıtyn operasııalar sııaqty qazirgi zamanǵy ádisteri keńinen engizilgen. 2008 jyldan bastap jatyr moıny obyryn, kolorektaldy obyrdy, sút bezi obyryn skrınıngteý baǵdarlamalary iske asyrylýda. Elimizde onkologııalyq kómek ınfraqurylymyn damytý jalǵasýda, 2019 jyly Pavlodarda jańa onkologııalyq ortalyq iske qosyldy. Byltyr Mańǵystaý oblysynda onkologııalyq ortalyqtar salyndy. Jambyl oblysynda jańa onkologııalyq ortalyqtyń qurylysy aıaqtalýda. Barlyq klınıkalar zamanaýı emdeý-dıagnostıkalyq jabdyqtarmen: jelilik údetkishtermen, KT jáne MRT apparattarymen, endoskopııalyq jabdyqpen jaraqtalady, Almaty, О́skemen, Atyraý, Pavlodar qalalarynda jańa jelilik jyldamdatqyshtar ornatyldy. Onkologııalyq aýrýlarmen kúres jónindegi keshendi jospar sheńberinde Nur-Sultan jáne Almaty qalalarynda PET-dıagnostıka ortalyqtary tabysty jumys isteıdi. 2022 jyldyń sońyna deıin Nur-Sultan, Semeı, Shymkent qalalarynda jáne Aqtóbe oblysynda qosymsha PET-ortalyqtaryn ashý josparlanǵan. Bıyl sáýirde Semeı qalasynda radıoızotoptyq dıagnos­tıka men radıonýklıdtik terapııany qoldana otyryp, Qazaqstandaǵy alǵashqy ıadrolyq medısına ortalyǵy ashyldy. Radııodterapııamen emdeýdi júrgizý bastaldy. Onkologııada kórsetiletin kómek pen kadrlardy daıarlaý sapasyna qoıylatyn talaptar edáýir artty. О́ıtkeni tipti eń joǵary synypty apparatýrany da daıarlanǵan mamandarsyz tıimdi paıdalaný múmkin emes. Qazaqstanda qaterli isikti zertteý boıynsha halyqaralyq yntymaqtastyq belsendi damyp keledi. Osy yntymaqtastyqtyń nátıjesi 15-ten astam eldiń halyqaralyq sarap­shy­larynyń sezd jumysyna qatysýy bolyp tabylady. Qazaqstan onkologteri men radıologteriniń VIII sezi aıasyn­da qazaqstandyq jáne sheteldik maman­dar arasynda tájirıbe men bilim­niń, onkologııa salasyndaǵy sońǵy ǵy­lymı jetistikterdiń almasýy óteti­nine, bul jalpy alǵanda, elimizdiń tur­ǵyndarynyń densaýlyǵyn nyǵaıtýǵa qyzmet etetinine senim bildiremin», dedi Premer-Mınıstrdiń orynbasary.

Al Densaýlyq saqtaý mınıstri Alekseı Soı pandemııanyń kúrdeli kezeńine qaramastan, ǵalymdar men dá­rigerler óz jumystaryn jalǵastyryp, qa­terli aýrýlarmen kúresýdiń jańa tá­sil­derin izdestirýde ekenin aıtyp ótti.

Gıbrıdti formatta oflaın jáne onlaın rejimde ótken sezd jumysyna Fransııa, Ispanııa, AQSh, Túrkııa, Koreıa, Grýzııa, Reseı, Ýkraına jáne TMD elderiniń jetekshi ǵylymı jáne klınıkalyq ortalyqtarynyń ǵalymdary men tájirıbeli onkolog-mamandary, sondaı-aq Túrkistan oblysy ákiminiń orynbasary Arman Sabıtov, oblystyq qoǵamdyq densaýlyq bas­qar­masynyń basshysy Marat Pashımov, Densaýlyq saqtaý mınıstr­liginiń bas onkology, «Qazaq onkolo­gııa jáne radıologııa ǴZI» AQ basqar­ma tóraıymy Dılıara Qaıdarova qatys­qanyn aıta ketelik.

Basqosý baǵdarlamasynda onkolo­gııalyq qyzmetti uıymdastyrý, aýrý­lar­dyń aldyn alý jáne erte dıagnostı­kalaý, isikterdiń molekýlalyq bıolo­gııalyq erekshelikteri, sáýlelik dıagnos­tıka, hırýrgııanyń zamanaýı je­tis­tikteri, skrınıngtik baǵdarlamalardy iske asyrý, qaterli isikterdiń damýy men evolıýsııasyndaǵy ǵylymı jańalyqtar syndy zamanaýı onkologııanyń ózekti máseleleriniń keń aýqymy qamtyldy.

Akademık, professor, QazOjRǴZI basqarma tóraıymy D.Qaıdarova sezd sheńberinde elimizdiń jáne sheteldik mamandar arasynda tájirıbe almasý ónimi alynǵan bilim keń tájirıbege engiziletinin aıtty. Sondaı-aq sezde Reseı, Qyrǵyzstan, О́zbekstan, Tájikstan jáne Ýkraına elderiniń onkologııalyq qyzmetteriniń basshylary sóz sóıledi.

Aıta ketelik, Túrkistan oblysyn­da bıylǵy 9 aıdyń qorytyndysy bo­ıynsha qaterli isikten paıda bolǵan aýrýshańdylyq kórsetkishi – 79,6, ıaǵnı
1 227 naýqas. Bul kórsetkish ótken jylmen salystyrǵanda 7,7%-ǵa ósken. Degen­men ólim-jitim kórsetkishi tómendegen, ıaǵnı bıyl 696 jaǵdaı tirkel­gen. О́tken jyl­dyń osy merzi­minde 733 jaǵdaı oryn alǵan. Qaterli isik­ter­di erte saty­synda anyqtaý kórset­kishi 9 aıdyń qo­ry­tyndysy boıynsha 17,6%-dy qurady (215 jaǵdaı), bul kór­setkish ótken jyldyń osy merzimi­men salystyrǵanda 4,9%-ǵa joǵarylaǵan.

 

TÚRKISTAN

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar