О́ner • 19 Qazan, 2021

Bárimiz bir aspannyń astyndamyz

104 ret kórsetildi

Aspan ǵana Qudaıdy oıǵa salady. Al shynynda, bárimiz bir álemniń kishkentaı bólshegimiz. Ushqan qus ta, júgirgen ań da, teńiz de, tumsa tabıǵat ta – Táńirdiń qoltańbasy. Áıtse de, qolmen ustap kóre almaıtyn, biraq jan sezinetin, ishteı túısinetin qubylystar qanshama? Muny tek qana óleńmen ne bolmasa boıaýmen beıneleýge bolatyndaı. Jalpy, adamnyń óre bıigi ol qupııany da áshkerelep qoıdy. Senbeseńiz, áıgili sýretshi hám keskindemeshi Shaımardan Sarıevtiń «Álem» atty kartınasyna nazar salyńyzshy. Dýly dúnıeniń dál ózindeı shym-shytyryq.

Shaımardan Sarıev – qazaq ónerinde jarqyn da biregeı iz qaldyrǵan tulǵa. Onyń ómirdi qabyldaýy men álemge ǵashyqtyǵy týraly sóz qaýzaǵanda erekshe kartınalary eske túsedi. Qan­sha jerden synı kózben qarasańyz da qaıtalanbas qoltańbasy óz mazmunyn joǵaltpaıdy.

Ol óziniń shyǵarmashylyq jolyn, ıakı keskindemelik izdenisterin batys jáne shy­­ǵys dástúrlerin birik­ti­rýge baǵyttady. Bul qatar­da S.Aıtbaev, T.Toǵyz­baev, T.Tabıev, O.Nur­ju­maev, A.Sydyhanov, M.Qısa­met­dı­nov syndy sýret­shiler tobymen birge uly kóshke qosylǵanyn aıtýǵa bolady. Olar ulttyq ónerdiń de­koratıvti jáne post-ım­pressonısterdiń kórkem­sý­ret­tik júıesine súıenip, janr­lyq kórinisterdi qol­dan­dy. Sol jyldary shyǵar­malaryna ulttyń ózin ózi taný ıdeıasy negiz boldy. Osy úrdiste Shaımardan Sa­rıev­tiń týyndylary eleýli ról atqardy desek artyq aıt­pa­ǵanymyz bolar.

Máselen, qylqalam she­be­riniń «Álem» kartınasyn alyp qarańyzshy. Bul ataýdan birneshe maǵyna órbitýge bolady. Álem – bul adamdar keńistigi. Álem – mádenıet pen dástúrdiń alýan túrliligi. Álem – neshe túrli tanym men kózqaras. Osyǵan baılanysty kartınada ádettegideı sıý­jet­tik ortalyq joq. Mun­da bári teń ári bir-birine uqsa­maıdy.

Tynysh kúıde jatqan adam­nyń arqa tusynda er men áıeldiń, tirshiliktiń paıda bolý belgileri jáne onyń she­gi, sondaı-aq qustar men ósim­dikterdiń shartty syz­bala­ry beınelengen. Taýdyń qarly shyń­dary jarqyraǵan eki kún­men jasyl tústi aspanǵa ti­reledi. Al jer beti qanyq kók pen qyzyl túste kórinis tapqan. Bári qyzyq... bári tartymdy...

Ishki dúnıetanymy tereń sýretshi «Álem» kartınasy arqyly dúnıeniń dısgar­monııasyn mahabbat pen araz­dyq dep alyp, olardan mozaıka qurastyrǵan. Dúr­mek ómirdiń dıdaryna qonǵan boıaýlar adamdy álem­niń bastaýy ekenin jet­kizip turǵandaı.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar