О́ner • 19 Qazan, 2021

Elordada «Muqaǵalı» fılminiń tusaýkeseri ótti

144 ret kórsetildi

Nur-Sultan qalasynda belgili rejısser Bolat Qalymbetovtyń «Muqaǵalı» fılminiń tusaýkeseri ótti. Atalǵan kınotýyndy qazannyń 21-shi juldyzynda ulttyq prokatqa shyǵady, dep habarlaıdy Egemen.kz.

Qazaqtyń aqıyq aqyny Muqaǵalı Maqataevtyń 90 jyldyǵyna oraı QR Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» AQ jaryqqa shyǵarǵan kınotýyndy aqyn ómiriniń sońǵy jyldary týraly baıandaıdy.

Fılmniń tusaýkeserine QR Mádenıet jáne sport vıse-mınıstri Nurqısa Dáýeshov, Sh.Aımanov atyndaǵy «Qazaqfılm» kınostýdııasynyń prezıdenti Aqan Sataev, fılmniń rejısseri Bolat Qalymbetov, kartınanyń teń ssenarıı avtory Júsipbek Qorǵasbek, basty róldi somdaǵan akter Aslanbek Janbalaev, qoıýshy sýretshi Ermek О́tegenov, sondaı-aq elimizdiń memleket jáne qoǵam qaıratkerleri, ult zııalylary qatysty.

«Qazaqfılmniń» prezıdenti Aqan Sataev fılmniń túsirý toby men astanalyqtardy tusaýkesermen quttyqtap, bul kórsetilim pandemııa bastalǵaly beri Nur-Sultanda ótkizilip jatqan kınostýdııanyń alǵashqy mádenı is-sharalardyń biri ekenin aıtty.

Fılmniń ssenarııin belgili jazýshy Júsipbek Qorǵasbek rejısser Bolat Qalymbetov jáne Ǵazız Nasyrovpen birge jazdy.

«Muqaǵalı – bizdiń ulttyq maqtanyshymyz. Ol – qazaq poezııasyna sheksiz keńistik pen buryn-sońdy bolmaǵan bıikterdi ákelgen aqyn. Taǵdyr ony ómirdiń tuńǵıyǵynan tastap, ábden synady. Biraq ol barlyq synaqtardy tabandylyqpen jeńip, tize búkpesten qabyldady. Árıne, men de onyń shyǵarmashylyǵymen bala kezimnen tanyspyn. Onyń shyǵarmalary maǵan ómirde birneshe ret kómektesti, baǵyt berdi, úmit syılady. Muqaǵalı Maqataev týraly fılm túsirý ıdeıasy 15 jyldan astam ýaqyt boıy kókeıimde júrdi. Osy ýaqyt ishinde men ol týraly aqparat jınap, aqynnyń kózin kórgen jandarmen kezdestim», dedi kartınanyń rejısseri Bolat Qalymbetov.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar