Qazaqstan • 19 Qazan, 2021

Sırııadan kelgen balalar qoǵamǵa beıimdeldi me?

82 ret kórsetildi

Bilim jáne ǵylym mınıstrligi qaqtyǵys aımaǵynda bolǵan ár balany bilim alý úshin jeke súıemeldeýdi qamtamasyz etý úshin sharalar qabyldady, dep habarlaıdy Egemen.kz QR Aqparat jáne qoǵamdyq damý mınıstrliginiń Din isteri komıtetine silteme jasap.

BǴM aqparaty boıynsha, BUU-nyń Bala quqyqtary týraly konvensııasynyń halyqaralyq mindettemeleri men erejelerin ustana otyryp, Qazaqstan balalardyń tegin mindetti orta bilim alý quqyǵyn, tegin arnaýly orta jáne joǵary bilim alý múmkindigin tolyq kólemde iske asyrady.

«Aıta ketsek, qaqtyǵys aımaǵynda bolǵan balalarmen jumys kezinde olardyń balalyq shaqqa tán emes ortada bolǵandyǵyn eskerý qajet. Osyǵan baılanysty BǴM ár balany jeke súıemeldeýdi qamtamasyz etý, olardy qaıta psıhologııalyq jaraqattanýdan qorǵaý úshin sharalar qabyldady», dep habarlady komıtetten.

Vedomstvonyń málimetinshe, qaqtyǵys aımaqtarynan «Jýsan» operasııasy aıasynda 516 qazaqstandyq bala qaıtaryldy. Olardyń tórteýi týystaryna, Qyrǵyzstan azamattaryna qamqorlyqqa berildi.

Sonymen qatar bastapqy kezeńde psıhologııalyq-medısınalyq-pedagogıkalyq komıssııalardyń kómegimen balalardyń bilim deńgeıin, iskerligi men daǵdylaryn anyqtaý úshin jeke bilim berý oqytý baǵdarlamasy jáne olardyń árqaısysy úshin psıhologııalyq-pedagogıkalyq qoldaý kartasy ázirlendi.

Sondaı-aq beıimdelý kezeńinde mınıstrlik muǵalimderdi, repetıtorlardy, tárbıeshilerdi tarta otyryp, jazǵy mektep uıymdastyrdy.

Vedomstvoda ótkizilgen sharalar kesheni balalarǵa elimizdiń bilim berý uıymdarynda oqýyn aýyrtpalyqsyz jalǵastyrýǵa, al olardyń keıbireýleri tıisti synypta oqýyn jalǵastyrý úshin bir jylda eki synyp baǵdarlamasyn ıgerýge múmkindik bergenin atap ótti.

Jasy boıynsha oqytylmaǵan balalar da bar. Biraq bul turǵyda BǴM Balalar tıisti synyptyń baǵdarlamasyn aýyrtpalyqsyz ıgerýi úshin muǵalimder men tárbıeshilerdiń kómegin qarastyrdy. Bul is-sharalar jylyna 10 balaǵa eki synyp baǵdarlamasyn ıgerýge jáne qurdastarymen birge oqýdy jalǵastyrýǵa múmkindik berdi.

«Jalpy, balalardyń belgili bir oqý jetistikteri bar ekenin atap ótkim keledi, atap aıtqanda balalardyń 51%-y (116) oqý ozattary men jaqsy oqıtyndar. Balalardyń 30% (67) túrli olımpıadalardyń (7), shyǵarmashylyq konkýrstar men jarystardyń (60) qatysýshylary men júldegerleri atandy», dep atap ótti AQDM din isteri komıtetinde.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar