Ekonomıka • 19 Qazan, 2021

Qazaqstandyqtar bıyl 23 myńǵa jýyq altyn quımasyn satyp aldy

88 ret kórsetildi

2021 jyldyń qańtar-qyrkúıek aılarynda ekinshi deńgeıli bankter men banktik emes aıyrbastaý pýnkterinen jalpy salmaǵy 822,9 kg ólshengen 22 837 quıma satyldy. Qyrkúıek aıynda ótken 2 578 quımanyń jalpy salmaǵy – 108,3 kg, dep habarlaıdy Egemen.kz.

Bul týraly Ulttyq Banktiń baspasóz qyzmeti málimdedi.

Halyq úshin tazartylǵan altyn quımalaryn satý jáne satyp alý baǵdarlamasyn Ulttyq bank 2017 jyly iske qosqan bolatyn. Baǵdarlama iske qosylǵannan beri jalpy salmaǵy 2,4 t. 65 416 altyn quıma satyldy. Altyn quımalardyń bes túri satylady: 5,10,20,50 jánk 100 g salmaqtaǵy quımalar.

Al satyp alýshylar arasynda eń kóp suranysqa ıe quıma – 10 gramdyq quıma. Onyń jalpy satylym kólemindegi úlesi - 29% nemese 18 672 dana. Odan keıin halyq kóp suraıtyn quıma túri – salmaǵy 100 gramdyq quıma. Baǵdarlama bastalǵannan beri 15 001 dana (23%) satyldy, keıin 20 grammdyq quımadan – 12 750 dana (19%), 5 grammdyq quımadan – 10 933 dana (17%), 50 grammdyq quımadan – 8 000 (12%) dana satyldy.

Kóbine altyn quımalar Almaty, Nur-Sultan jáne Atyraý qalalarynyń turǵyndary arasynda suranysqa ıe. Jalpy, altyn quımalar ınvestısııanyń senimdi quraly bola alady.

Altyn quımalar naryǵyndaǵy joǵary satylymdy qamtamasyz etetin basty faktorlardyń biri – ekinshi deńgeıli bankter men banktik emes uıymdar tutynýshyǵa aqshany tapsyrǵan kúni tólep, altyn quımany keri satyp ala alady.

Baǵdarlama iske qosylǵannan beri Ulttyq banktiń aýmaqtyq fılıaldary jalpy salmaǵy 21,9 kg ólshengen 229 quımany keri satyp alýǵa qabyldady. Solaı bola tura, ekinshi deńgeıli bankter men jekelegen banktik emes aıyrbastaý pýnkteri jalpy salmaǵy 236,9 kg ólshengen 9 484 quımany keri satyp alǵan, bul jalpy quımalardyń 14%-yn quraıdy.

Qabyldanǵan quımalardyń barlyǵy derlik Ulttyq banktiń aýmaqtyń fılıaldaryna qaıtarylmastan halyqqa satylady.

Árbir altyn quıma ony qorǵap turatyn elementtermen (quımalardyń beti qaptalyp, mıkroteksı jazylady jáne releft jıegi salynady) jáne arnaıy qorapqa salynyp jasalady, qorap quımany mehanıkalyq turǵyda qorǵaıdy, ári qorap ashylǵan-ashylmaǵanyn ońaı tekserýge bolady. Qorap, sondaı-aq, sapa sertıfıkatyna da jaýap beredi.

Sondyqtan quımany durys saqtap, qorabyn búldirmegen jón. Qazirgi tańda altyn quımalardy Halyk Bank, Eýrazııalyq bank, Jusan Bank, BankSentrKredıt jáne banktik emes aıyrbastaý pýnkterinen satyp alýǵa jáne keri satýǵa bolady.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar