Jaqynda Ranking monıtorıng portaly qyzyq derekti jarııa etti. Onda qaryz ben nesıeniń qazaqstandyqtar úshin qorqynyshty emes ekeni aıtylyp, 10 turǵynnyń 9-y eshqashan tólem problemasyna tap bolǵan emes deıdi. Dál bulaı ómir súrip jatpaǵanymyzdy ishimiz sezse de, ári qaraı oqı túselik.
Pandemııaǵa qaramastan el turǵyndarynyń qarjylyq tabysy tómendegen joq dep jazady Ranking. Ekinshi toqsanda jan basyna shaqqandaǵy tabys kórsetkishi 205,5 myń teńge bolǵan. Bir jylda – 12,6 paıyz ósim. Atalǵan kezeńde jyldyq ınflıasııanyń 7,5 paıyz deńgeıinde bolǵanyn eskersek, atalǵan soma el turǵyndary tólem qabiletiniń artqanyn ańǵartady. Al tabystyń tutynýǵa ketken bóligi jan basyna shaqqanda 202 myń teńgeni quraǵan. Bul boıynsha 17,9 paıyz ósim bar.
«Osylaısha, bıyl tabys ta, onyń izin ala qarjylyq múmkindikter de, tutynýshylyq tábet te artty. Buǵan qatań karantın shekteýleri kezindegi keıinge qaldyrylǵan suranys ta óz áserin tıgizdi», delinedi zertteýde.
Ulttyq statıstıka bıýrosynyń zertteýinshe, uzaqqa sozylǵan «koronadaǵdarysqa» qaramastan el turǵyndary ózderiniń qarjylyq jaǵdaıyna rıza. 56,3 paıyz turǵyn ishinara qanaǵattansa, 0,6 paıyz respondent óz qarjylyq jaǵdaıyna razy emestigin aıtqan, taǵy 2,9 paıyzy jaýap berýge qınalǵan. 60,5 paıyz qazaqstandyq bıyl ál-aýqatynyń ózgerissiz qalǵanyn aıtsa, 33 paıyzy «jaǵdaıym jaqsardy» dep jaýap bergen, 6,5 paıyz qatysýshy áleýmettik ahýalynyń tómendegenin jetkizgen.
«Turǵyndar tabysynyń 93 paıyzyn – 183,2 myń teńgesin tutynýshylyq shyǵyndarǵa jumsaǵan. Onyń 105,6 myńy azyq-túlik taýarlaryna, 45,2 myńy azyq-túlik emes taýarlarǵa jáne 32,4 myńy aqyly qyzmetterge ketken. Eń az shyǵyn nesıe men qaryzdardy óteý segmentinde baıqalǵan – 10,2 myń teńge. Byltyrmen salystyrǵanda 14,5 paıyzǵa ósý bar. Bul – eń az ósim. О́ıtkeni salyq jáne ózge de tólemder bir jylda 47,5 paıyzǵa, al materıaldyq kómek jáne alıment 25,3 paıyzǵa kóbeıgen. Jalpy alǵanda, qaryzdar men nesıeler qazaqstandyqtarǵa aıtarlyqtaı qysym jasap otyrǵan joq. Saýaldamaǵa qatysýshylardyń úshten ekisi (62,8 paıyz) sońǵy on eki aıda nesıe tóleý qıyndyǵyna ushyramaǵan. 26,9 paıyz adam úshin nesıe máselesi ózekti bolmasa, 6,9 paıyzy nesıe tóleı almaı qalý jaǵdaıymen bir márte ǵana betpe-bet kelgen» dep jazady Ranking.
Ulttyq statıstıka bıýrosy usynǵan derekti Ulttyq bank te rastaıdy. Azamattardyń zaımdar qurylymyn qarastyrý kezinde ondaǵy tutynýshylyq nesıe úlesi 58,9 paıyz bolǵan. Al qurylys nemese baspanaly bolý úshin alynǵan ıpotekalyq zaımdar úlesi – 31,8 paıyz, ózge de bólshek nesıeler úlesi 9,4 paıyzdy quraıdy.
Bólshek nesıeleýdiń ósýi portfel sapasy barlyq baǵyt boıynsha jaqsara túsken. Qyrkúıek aıynda jeke tulǵalarǵa berilgen zaımdardyń jalpy kóleminde keshiktirilgen tólemder 3,3 paıyzdy ǵana quraǵan.
