Ekologııa • 20 Qazan, 2021

Prezıdent tapsyrmasy: Qaljyr ózenin lastaǵandar jaýapqa tartyldy

139 ret kórsetildi

Qaljyr ózenin lastaǵandar jaýapqa tartyldy, dep habarlaıdy Egemen.kz QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Baspasóz qyzmetiniń habarlaýynsha, Memleket basshysy Qasym-Jomart Toqaevtyń tapsyrmasy boıynsha, Shyǵys Qazaqstan oblysy boıynsha Ekologııa departamenti Kúrshim aýdanyndaǵy Qaljyr ózeniniń lastaný faktisine qatysty tekserý júrgizdi.

Bıylǵy jyldyń mamyr aıynda Aqbulaq aýyldyq okrýgine qarasty «Shandybulaq» ýchaskesinde júrgizilgen reıd sharalary barysynda Kúrshim aýdandyq polısııa bólimi jeke kásipker Sergeı Hvannyń ruqsat qujattarynsyz altyndy óz erkimen óndirý faktisin anyqtady. 6 qyrkúıekte Qaljyr ózeniniń lastanýy týraly kelip túsken beınesıýjet negizinde Ekologııa departamenti, tabıǵatty qorǵaý polısııasy, basseındik ınspeksııa jáne basqa da memlekettik organdar qyzmetkerleri atalǵan jerge bardy.

Belgili bolǵandaı, jaqyn arada «S.A. Hvan» jeke kásipker ókilderi sot qaýlysyn oryndaý úshin Qaljyr ózeniniń arnasy men onyń jaıylmaly bóligindegi, sondaı-aq Shandybulaq bulaǵyndaǵy zańsyz salynǵan bógetter men toǵandardy buzǵan. Sonyń áserinen Qaljyr ózeniniń negizgi arnasyna túsken usaq qumdy topyraq onyń edáýir aýmaǵyn lastaǵan.

Laı tunbaly las sý ózen aǵysymen birshama qashyqtyqqa jaıylyp, 53,3 mg/m3 deıingi qalqyma zattardyń ózendi lastaýyna ákeldi. Qaljyr ózeniniń odan ári lastanýyna jol bermeý úshin ekologııa departamentiniń ınspektorlary zańsyz qurylystardy qalpyna keltirý jumystaryn toqtatty. Atalǵan jumystardy qaýipsiz júrgizý úshin jobalyq qujattamany ázirleý usynyldy. Búgingi kúni tabıǵı sýlardy synaý hattamalaryna sáıkes zııan shekken sý aıdynyndaǵy lastaýshy zattardyń quramy shekti ruqsat etilgen konsentrasııadan aspaıdy.

Jerústi sýlarynyń sapasy qalpyna keltirildi. Altyn kenin izdeý boıynsha jumystardy zańsyz júrgizgeni, ruqsat etilmegen qurylystardy buzý týraly sot sheshimin oryndamaǵany, sondaı-aq ekologııalyq saraptama júrgizbeı obektilerdi óz betinshe salǵany úshin Kúrshim aýdanynyń № 2 aýdandyq soty men ShQO Ekologııa departamentiniń sheshimimen kásipkerlerge jalpy somasy jarty mıllıon teńgeden astam aıyppul salynyp, ken óndirýshilikke berilgen lısenzııalary keri qaıtaryldy.

Budan basqa, quqyq buzýshylyqtardyń saldaryn joıý maqsatynda «Hvan» JK remedıasııa baǵdarlamasyn bekitti, oǵan sáıkes bıylǵy jylǵy qarashaǵa deıin Qaljyr ózeniniń gıdrologııalyq rejımin jáne taý landshaftyn qalpyna keltirý boıynsha birinshi kezektegi is-sharalardy oryndaý qajet. Qazirgi ýaqytta óńir ákimdigi tabıǵı komponentterdi qalpyna keltirý boıynsha jumystardyń keńeıtilgen smetalyq esebin jasaýdy pysyqtaýda, onyń somasyna baılanysty polısııa organdary QR QK 324, 328, 333 jáne 334-baptary boıynsha kináli adamdardy qylmystyq jaýapqa tartý týraly máseleni qaraıtyn bolady.

«Sonymen qatar, osyndaı zań buzýshylyqtardy boldyrmaý maqsatynda memlekettik organdardyń ókilderi jergilikti belsendilermen kezdesý uıymdastyrdy, onyń nátıjesinde quqyq buzýshylardy karerlerdi rekýltıvasııalaý jónindegi jobalardy (onyń ishinde túbin qaýipsiz tásilmen tazartýdy júrgizý) ázirleýge mindetteý, sondaı-aq jer qoınaýyn paıdalanýshylardyń qyzmetine qoǵamdyq baqylaýdy kúsheıtý jóninde sheshim qabyldandy», delingen habarlamada.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar