Koronavırýs • 20 Qazan, 2021

Qazaqstanda jańa otandyq vaksına salyna bastady

50 ret kórsetildi

«QazCoVac–P» atty taǵy bir qazaqstandyq vaksınany synaqtan ótkizýdiń ekinshi kezeńi bastaldy. Sonyń aıasynda jańa ekpe 200 adamǵa salynady, dep habarlaıdy Egemen.kz.

Bıologııalyq qaýipsizdik ınstıtýtynyń ǵalymdary QazCoVac–P vaksınasyn klınıkalyq synaqtan ótkizýdiń ekinshi satysyn bastaǵanyn málimdedi.

Osy joly koronavırýsqa qarsy taǵy bir otandyq ekpe 200 adamǵa egiledi. Ǵalymdar preparattyń ınfeksııadan qanshalyqty qorǵaıtynyn, sondaı-aq qaýipsizdik deńgeıin baqylap kóredi. Osy vaksınanyń áseri barynsha jeńil bolady degen jospar bar.

Ǵylymı-zertteý ınstıtýtynda QazCoVac–P vaksınasymen qosa taǵy eki vektorlyq vaksına jasalyp jatyr. Al «delta» shtamnyń negizindegi ekpe daıyn tur. Ǵalymdar bul preparattardy janýarlarǵa synap kórgen. Qazir vaksınalardyń saqtalý merzimi tekserilip jatyr. Synaq sátti ótse, qorytyndysy lısenzııasy bar álemdik ǵylymı jýrnaldarda jarııalanýy tıis.

«Bizde vaksınany tańdaýǵa bolady. Adam revaksınasııaǵa qaı vaksınany alsa da, ol tıimdi bolady. О́ndirýshi ımmýndyq jaýaptyń jaqsy tıtri bolýy úshin eki dozany salý kerek dese, eki dozany da salasyz», deıdi zerthana meńgerýshisi Nýrıka Asanjanova.

Aıta keteri, dál osy ınstıtýtta  koronavırýsqa qarsy QazVas ekpesi jasalǵan bolatyn. Osy ýaqytqa deıin osy vaksınanyń 1 mıllıon 700 myń dozasy paıdalanylsa, jyl sońyna deıin taǵy 1 mıllıon 300 myń dozany óndirý josparlanyp otyr.

QazCoVac–P ekpesi - ınaktıvti vaksınalarǵa uqsas preparat. Onyń quramynda tiri vırýs joq. Sol sebepti ony qaýipsiz vaksına bolyp sanalady.

 

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar