Oblystyq polısııa departamenti esirtki qylmysyna qarsy is-qımyl basqarmasynyń qyzmetkerleri «Refleks-2021» jedel aldyn alý operasııasyn júrgizý barysynda Aqtaýda Mercedes-Benz avtokóligin toqtatty.
Salonda júrgizýshi men eki jolaýshy bolǵan. Olardyń barlyǵy ustaldy. Tintý kezinde polıseıler avtomobıl salonynan salmaǵy eki keliden asatyn «marıhýana» men jarty keliden asatyn «gashısh» esirtkisin tapty. Ustalǵandardyń páterlerine tintý júrgizý kezinde tártip saqshylary eki kúdiktiniń úıinen segiz keliden astam «marıhýana» men bir gramm «apıyndy» anyqtady.
«32 jáne 36 jastaǵy eki adamǵa qatysty QR QK-niń 297-baby 3-bóligi 3-tarmaǵyna sáıkes qylmystyq is tirkeldi. Qazirgi tańda ustalǵan eki kúdikti ýaqytsha ustaý ızolıatoryna qamaýǵa alyndy. 38 jastaǵy úshinshi tulǵaǵa qatysty QR QK-niń 296-baby 2-bóligimen qylmystyq is tirkelip, «eshqaıda ketpeý týraly» bultartpaý sharasy qoldanyldy. Tergeý amaldary júrgizilýde», dedi Mańǵystaý oblysy PD EQQIQB jedel ýákili Nurbol Baqtybaı.
