Qoǵam • 21 Qazan, 2021

«Ulttyq Rýhanı jańǵyrý» Ulttyq jobasy tanystyryldy

115 ret kórsetildi

QR Prezıdenti janyndaǵy OKQ-de QR Aqparat jáne qoǵamdyq damý, Mádenıet jáne sport, Bilim jáne ǵylym mınıstrlikteriniń «Ulttyq rýhanı jańǵyrý» Ulttyq jobasy: negizgi baǵyttar» taqyrybynda brıfıngi ótti, dep jazady Egemen.kz.

QR Aqparat jáne qoǵamdyq damý mınıstri brıfıng barysynda Ulttyq joba Memleket Basshysy Qasym-Jomart Toqaevtyń tapsyrmasy boıynsha ázirlenip, qazaqstandyq qoǵamnyń mádenıet, aǵartý jáne ulttyq rýh deńgeıin arttyrýǵa baǵyttalǵanyn atap ótti.

Aıda Balaeva Ulttyq joba Tuńǵysh Prezıdent – Elbasy Nursultan Nazarbaevtyń baǵdarlamalyq maqalasynda aıtylǵan «Rýhanı jańǵyrý» qundylyqtaryn ilgeriletýdiń kelesi kezeńi bolyp tabylatynyn atap ótti.

«Mazmuny jaǵynan bul máni tereń, aýqymy óte keń Joba. Bul – qanshama ǵasyrlar boıy qalyptasqan halqymyzdyń mádenı bolmysy, tarıhy men tamyry. Sondyqtan, ásirese qazirgi jahandaný kezeńinde ony saqtap qalý, urpaq boıyna sińirýdiń mańyzy zor. Búgingi urpaq boıyna «ulttyq kod» uǵymyn qanshalyqty tereń sińirsek – ol bizdiń erteńgi ult bolyp qalýymyzdyń kepili», dep atap ótti mınıstr.

Ulttyq joba úsh baǵyt boıynsha iske asyrylady, olardy oryndaýǵa birden úsh mınıstrlik qatysady. Qujatqa jeti mindet, 20-dan astam kórsetkish jáne 60-tan astam iri is-sharalar kiredi.

Birinshi baǵyt – eldiń zııatkerlik áleýetin jáne memlekettik tildiń mártebesin arttyrý. Ol sapaly kontentti ulǵaıtý arqyly iske asyrylatyn bolady.

Elimizdiń zııatkerlik áleýetin damytý boıynsha 38 joba josparlanǵan. 2025 jylǵa deıin barlyq oqýshylardy elimizdiń mádenı murasymen tereńirek tanystyratyn jobamen qamtý josparlanýda, al «Oqıtyn ult» jobasy qazaqstandyqtardyń oqyrmandyq belsendiligin arttyrýy tıis.

Memlekettik til mártebesin damytý úshin oqý baǵdarlamalary men ádistemeler jańartylatyn bolady. Qazaq tiliniń ulttyq korpýsyn qurý, latyn álipbıin engizýdi jalǵastyrý jáne qazaq tilin damytýǵa múddeli barlyq adamdardy oqý ádebıetimen qamtamasyz etý josparlanýda.

Ekinshi baǵyt – «El rýhy» qazaqstandyq kıno ónimderi men mýltfılmder óndirisin jeńildetýge, otandyq sýretshiler men fotograftardyń kórmelerin, qazaqstandyq estrada metrleriniń konsertterin qoljetimdi etýge múmkindik beretin sharalar keshenin biriktiredi.

Aıda Balaeva ekinshi baǵytty iske asyrý 2025 jylǵa qaraı bes naqty nátıjege qol jetkize otyryp, shamamen 13 iri mádenı is-sharany qamtıtynyn atap ótti. Konsertter, spektaklder men túrli kórmeler Qazaqstannyń iri qalalarynda ǵana emes, sondaı-aq elimizdiń shalǵaı aýdandarynda da ótedi dep boljanýda. 2025 jylǵa qaraı 40 anımasııalyq fılm jasalady, al kınoprokattaǵy otandyq fılmderdiń úlesi keminde 25%-dy quraıtyn bolady.

QR Aqparat jáne qoǵamdyq damý mınıstri óz sózinde «E-culture.kz» biryńǵaı elektrondyq platforma jobasyn atap ótti.
«Joba otandyq mádenıettiń barlyq jetistikterine erkin rejımde onlaın túrde qol jetkizýge múmkindik beredi. Jer sharynyń kez kelgen núktesinen, úıden shyqpaı-aq, bizdiń murajaılar men teatrlarǵa, kitaphanalarǵa jáne basqa da mádenı kórikti jerlerge barýǵa bolady», dep atap ótti Aıda Balaeva.

Úshinshi baǵyt – «Táýelsizdik urpaqtary» jastar úshin jańa múmkindikter jasaýǵa baǵyttalǵan.

Mınıstr Aıda Balaeva bul baǵyt jastardyń negizgi problemalaryn – qoljetimdi bilim, jumyspen qamtý jáne turǵyn úıdi sheshýge kómektesýi tıis ekenin túsindirdi. Osy baǵyt sheńberinde keminde 800 myń jas turǵyn úı jınaqtary júıesin paıdalana alady; 1 mln-ǵa jýyq jastar qazaqstandyq áleýmettik qyzmettermen qamtamasyz etiledi; barlyq baǵdarlamalar boıynsha jas otbasylar úshin qaryz úlesi 25%-ǵa deıin artady; 1,5 mln-ǵa jýyq jastar sporttyq jáne ekologııalyq jobalarǵa tartylatyn bolady.

«NEET kategorııasy dep atalatyn jastardy qoldaý sharalaryna erekshe nazar aýdarǵym keledi, onda biz jumyspen qamtylmaǵan jastardyń sanyn 5%-ǵa deıin tómendetýdiń naqty mindetin qoıamyz», dedi Aıda Balaeva.

Brıfıng barysynda BAQ ókilderi «Ulttyq Rýhanı jańǵyrý» Ulttyq jobasy boıynsha suraqtar qoıyp, olarǵa QR AQDM basshysy Aıda Balaeva, Mádenıet jáne sport vıse-mınıstri Nurǵısa Dáýeshov, QR Bilim jáne ǵylym mınıstrliginiń ókili Ádilbek Qabaev jaýap berdi.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar