Bilim • 21 Qazan, 2021

Bilim mınıstri Túrkistandaǵy oqýshy ólimine qatysty pikir bildirdi

65 ret kórsetildi

Bilim jáne ǵylym mınıstri Ashat Aımaǵambetov Túrkistanda mektep dárethanasyndaǵy tóbelesten keıin 5-synyp oqýshysynyń kóz jumǵany týraly oqıǵaǵa qatysty túsinikteme berdi, dep habarlaıdy Egemen.kz.

«Atalǵan oqıǵa týraly estı sala Balalar quqyǵyn qorǵaý komıtetiniń basshysy men meniń keńesshim Túrkistan oblysyna attandy. Jaǵdaımen tanysyp, taldaý jasaldy. Qazir atalǵan fakt boıynsha sot-medısınalyq saraptama jasalyp, tergeý jumystary júrip jatyr. Tergeý qorytyndysy ázir bolǵan soń tıisti shara qabyldanady. Árıne, óte aýyr qaıǵy. Jalpy atalǵan óńirde osy sekildi faktiler baryn jasyrmaý kerek.

Tergeý isi aıaqtalmaı jatyp boljam jasaýǵa erte ári durys emes. О́ıtkeni bolǵan isti tergeý quqyq qorǵaý organdaryna tıesili. Biz atalǵan mekteptiń tek tárbıe jáne bilim berý prosesin ǵana tekserdik jáne onda kemshiliktiń baryn baıqadyq», dedi Ashat Aımaǵambetov OKQ-de ótken baspasóz máslıhatynda.

Eske sala ketsek, ótken aptada buqaralyq aqparat quraldarynda Túrkistanda mektep dárethanasyndaǵy tóbelesten keıin 5-synyp oqýshysynyń kóz jumǵany týraly habar tarady.

О́z kezeginde oblystyń Densaýlyq saqtaý basqarmasynyń baspasóz qyzmeti balanyń jaǵdaıy óte aýyr bolǵanyn rastap, al oblystyq Polısııa departamenti tekserý júrgizilip jatqanyn habarlady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar