Aımaqtar • 22 Qazan, 2021

Talastyqtardyń tartýy

151 ret kórsetildi

Elbasy Nursultan Nazar­baev­tyń «Bola­shaqqa baǵ­dar: rýhanı jańǵyrý» baǵdar­la­malyq maqalasy aıasynda Táýelsizdiktiń 30 jyldyǵyna oraı̆ Taraz qalasynda «Týǵan jerim – darqan dalam» taqy­ry­byn­da Talas aýdanynyń kúnderi ótti.

Kóne shahardaǵy «Balasaǵun» orta­lyq konsert zaly­nyń aldyna kıiz úı tigilip, kórkem­óner­paz­dar án men kúıden shashý shashty. Sonymen qatar Talas aýda­nynyń aýylsharýashylyq ónim­deriniń jármeńkesi uıym­das­tyryldy. Jármeńkege aýdannan 2 tonna kartop, 1 tonna kókónis, 300 kg jylqy eti, 500 kg qoı eti, 250 kg sıyr eti, 300 kg sút ónimderi men 200 kg balyq jáne «Abdrahmanova» jeke ká­sip­kerliginiń tátti ónimderi qo­ıyl­dy.

Atalǵan sharaǵa Jambyl obly­synyń ákimi Berdibek Sapar­baev arnaıy kelip qatys­ty. Talas aýdanynyń ákimi Q­a­natbek Mádibek óńir bas­shy­­­syn aýdan kúnderi aıasyn­da uıymdastyrylǵan ju­mys­tar­men tanystyrdy. Oblys ákimi áýeli aýdandyq or­ta­lyq kitaphana uıym­das­tyr­­ǵan kitap kórmesin ara­­lap kórdi. Odan keıin B.Saparbaev aýdandyq ólke­­taný murajaıynyń kórme­si­ne qoıylǵan tarıhı jádi­ger­­lermen tanysty. Aýdan kún­de­ri aıasynda «Balalar óner mek­tebi» ustazdarynyń ónerin tama­shalaǵan oblys basshysy olarǵa joǵary baǵasyn berdi. Sondaı-aq aýdan kúnderine kel­­gen kópshilik ulttyq sport túr­lerinen uıymdastyrylǵan jarystardy tamashalap, ulttyq etnomádenı ortalyqtardyń jáne qolóner sheberleriniń kórmelerin kórdi. Budan ári Talas topyraǵynyń talantty ánshileri ásem ánnen shashý shashty. Konsertke arnaıy sha­qyrtylǵan elimizge belgili óner adamdary Jiger Aýpbaev pen Sara Amangeldi kópshiliktiń yqylasyna bólendi. Is-shara barysynda Talas aýdanynyń ákimdigi arnaıy tikken on alty qanat alyp kıiz úıdi Taraz qala­sy­na kóne shahardyń kerege­si keń bolsyn degen jaqsy nıetpen syıǵa tartty. Jalpy, buǵan deıin de Talas aýdany oblys ákiminiń bastamasymen qolǵa alynǵan «Tarazǵa tartý» jobasy aıasynda Qazybek bı kóshesiniń boıynan balalar oıyn alańshasy men Street workout salyp bergen bolatyn.

Qazaq halqynda qolda baryn ózgemen bólisý, kómek qo­lyn sozý, jomarttyq tanytý izgi qasıet bolyp sanalady. Ǵa­syrlar boıy qazaq dalasynda jal­ǵasyp kele jatqan osynaý dástúrdiń jelisi úzilmeı, búginge jetip otyr. Ob­lys ákimi B.Sa­par­baevtyń bastamasymen qolǵa alynǵan «Jomart túlek» jobasy da búginde óz jemisin berýde. Áýlıeata óńi­ri­nen shyqqan belgili azamattar aýyldyń gúl­denýine, damýyna ózderiniń úle­sin qosyp keledi.

Talas aýdany Turymqul el­di me­keniniń azamattary uıym­­­­­dasyp, elge, jerge degen per­zenttik qurmetin iste­ri­­­­men kór­setti. Týǵan jerge tý ti­gýdi maq­sat etken túlek­ter óz qara­jat­­taryna aýyldan soǵys ar­da­ger­lerine arnap «Máńgilik alaý» eskertkishi, ba­lalar oıyn alańy, «Oıyq baba» meshiti jáne sýburqaq sııaqty birneshe nysan salyp, el ıgiligine berdi. Aýyldan osyndaı ny­san­dardyń salynǵanyna jer­gilikti turǵyndar da rıza­shy­lyqtaryn bildirýde. Al aýyldan shyqqan atymtaı jomart azamattar bul jumysyn Táýelsizdiktiń 30 jyldyǵyna arnap otyr. Atalǵan sharaǵa Aqmola oblystyq sotynyń tóraǵasy Dosjan Ámirov, Qa­zaq­stan musylmandary dinı bas­qarmasynyń Jambyl oblysy boıynsha ókili Beıbit Myrzageldıev, Talas aýdandyq ardagerler keńesiniń tóraǵasy Jumabek Ásemov, aýyl qarııasy Ázimbaı Báıtenov jınalǵan kópshilikke tilektestik bil­di­rip, osynaý ıgi istiń aýylda atqarylýy oryndy ekenin jetkizdi. Al Talas aýdanynyń ákimi Q.Mádibek aýyldyń damýyna úles qosqan azamattarǵa Jambyl oblysy ákiminiń jáne Talas aýdany ákiminiń Qur­met gramotasy men Alǵyshatyn tabys etti. Sonymen qa­tar ká­sipker Maqulbek Myr­za­qulov «Shyńǵyshan» sharýa qo­ja­lyǵynyń atynan jańa meshit­tiń jumysyna atsa­­lys­­qan azamattarǵa syı-sııa­pat jasap, qurmet kórset­ti. Aýyldyqtardyń uıym­shyl­dyǵynyń nátıjesinde «Oıyq baba» meshiti bir jarym jylǵa jýyq ýaqyt ishinde toly­ǵy­men aıaqtaldy. Jalpy quny 80 mln teńgege sa­lynǵan meshitke qarjylaı de­meýshilik tanytqan da M.Myrzaqulov ekenin aıta ketken jón. Jıynda Jıembet Begadilov aýyldyq inile­riniń atynan M.Myrzaqulovqa at mingizip, shapan japty. Budan keıin jınalǵan kópshilik «Máń­gilik alaý» eskertkishiniń, bala­lar oıyn alańynyń, «Oıyq baba» meshitiniń jáne sýbur­qaq­tyń ashylý sátin tamashalady.

Aýyldan shyqqan soǵys ardagerleriniń esimderi jazyl­ǵan «Máńgilik alaý» eskert­kishin «Aralbek» sharýa qoja­lyǵynyń tóraǵasy Erlan Aralbekov óz qarajaty esebinen salyp berip otyr. Nysannyń qurylysyna 5,5 mln teńge jumsalǵan. Al «Nurtas» sharýa qojalyǵynyń tóraǵasy Nurdáýlet Sársen 3,5 mln teńgege balalar oıyn alańyn salsa, «Bastaýbaı» sharýa qojalyǵynyń tóraǵasy Ǵalym Bastaýbaev sýburqaqtyń qurylysyna óz esebinen 2,5 mln teńge bólip, el ıgi­li­gi­ne berdi. Týǵan jerge degen perzenttik paryzyn sózben ǵana emes, ispen de dáleldep júrgen azamattar aýyldy kór­keı­tý sharalary munymen shek­tel­meıtinin, aldaǵy ýaqytta da jalǵasyn tabatynyn aıtyp otyr. Endi Turlybaı aýylynan aýyl jastary úshin sport alańy men qystyq sport zaly salynady. Saltanatty jıynnan soń kópshilik kórkemónerpazdardyń uıymdastyrýymen konserttik baǵdarlamany tamashalady. Sha­ra sońy alaman báıge, taı báı­ge sııaqty ulttyq oıyn­dar­ǵa ulasty. Báıgeden oza sha­ýyp kelgen júırikterge uıym­das­ty­rýshylar tarapynan qar­jy­laı syılyqtar men arnaıy júl­de­ler tabystaldy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar