Oqıǵa • 22 Qazan, 2021

О́kpesi 90 paıyz zaqymdanǵan júkti áıel emdelip shyqty

150 ret kórsetildi

Almaty oblysynda alǵash ret aýdandyq aýrýhana deńgeıinde ókpesi tolyq zaqymdanǵan júkti áıel emdelip shyqty, dep habarlaıdy Egemen.kz.

Em-shara ekstrakorporaldy membranalyq oksıgenasııa apparatyn paıdalana otyryp júzege asyryldy. Ile aýdandyq ortalyq aýrýhanasyna júkti kelinshek COVID-19 dıagnozymen, ókpesiniń 90 paıyzy zaqymdanǵan kúıinde jetkizilgen bolatyn. Atalǵan aýrhana dırektory Baýyrjan Ysqaq naýqas EKMO apparatynyń kómegimen aman qalǵanyn aıtty.

«9 tamyz kúni 27 jastaǵy júkti áıel (38-39 apta) óte aýyr jaǵdaıda túsken bolatyn. Aýyr hálde túsken áıelge dereý ota jasalyp, bala aman-esen dúnıege keldi. Biraq naýqastyń jaǵdaıy nasharlap, qandy ottegimen qanyqtyratyn EKMO apparatyna qosýǵa týra keldi. Naýqas 31 kúnnen keıin ózdiginen dem ala bastady», dedi bas dáriger.

Al 4 balanyń anasy Baıansulý Amangeldıeva jansaqtaý bóliminde medısına qyzmetkerleriniń kómegimen qaıta aıaqqa turyp, ózdiginen dem alýdy, qozǵalýdy úırengenin aıtady.


«Men jansaqtaý bóliminde 47 kún jattym. Eki aı boıy balalarymdy kórý arman boldy. Kópshilik jınalǵan jerde maska taqqan emespin. Bul meniń basty qateligim boldy. О́ıtkeni maska taqqan kezde ózimdi jaısyz sezinip, aýa jetpeı turǵandaı sezinetinmin. Alaıda bir jutym aýany ózdigimnen juta almaı qınalǵanda qatty ókindim. Qateligimniń saldarynan otbasymdy, týǵan-týystarymdy, meniń ómirim úshin eki aı boıy kúresken dárigerlerdi áýrege saldym. Qazir aman-esen jazylyp, otbasyma oraldym. Dárigerlerge alǵysym sheksiz», deıdi ol.

Aıta keteıik, juqpaly indetke shaldyqqan turǵyn aýrýhanada 58 kún jatsa, sonyń 47 kúnin jansaqtaý bólimshesinde ótkizdi. Ile aýdandyq aýrýhanasyna odan ózge COVID-19 dıagnozymen, ókpesi 80 paıyzǵa deıin qabynǵan bes júkti áıeldi dárigerler aman alyp qaldy.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar