«Bul tarıhtaǵy eń iri álem chempıonattarynyń biri bolmaq. Aıtýly alamanǵa jahannyń júzden astam elinen 650 boksshy qatysady. Dodada Olımpıada oıyndarynyń jeńimpazdary, álem chempıondary men qurlyqtyq chempıonattardyń jeńimpazdary da baq synaıdy. Biz boksshylarymyzdy barynsha jaqsy daıyndadyq. Boksshylardy «Belgradqa baramyz, jalpykomandalyq esepte birinshi oryn alamyz! Alǵa osyndaı maqsat qoıamyz! Árqaısyńyz jeńimpaz bolýǵa laıyqsyz! Top jarǵannan bólek, biz «úzdik boksshy» ataǵyn alýymyz kerek! Barlyǵy bizdiń qolymyzda dep jigerlendiremin», deıdi ulttyq quramanyń bas jattyqtyrýshysy.
Esterińizge sala keteıik, álem chempıonaty 24 qazan men 6 qarasha aralyǵynda Serbııa astanasy Belgrad qalasynda ótedi. Bul alamanǵa Qazaqstan quramasy jańartylǵan qurammen qatyspaq. Álem chempıony atanǵan boksshylar 100 myń dollardan, kúmis júldegerler 50 myń dollardan, qola medal ıegerleri 25 myń dollardan syıaqy alady. Qarjylaı syıaqyny AIBA taǵaıyndap otyr.
