Qazaqstan • 22 Qazan, 2021

367 myń jumysshy zııandy ortada eńbek etken

148 ret kórsetildi

QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev zııandy jumys oryndary eń kóp tirkelgen óńirlerdi atady, dep habarlaıdy Egemen.kz.

«Resmı statıstıka boıynsha, 2020 jyly tekserilgen kásiporyndardaǵy 1,6 mln qyzmetkerdiń 367 myńy (22%) zııandy ortada eńbek etken. Olardyń eń kóp sany Qaraǵandy (74 myń adam), Pavlodar (46 myń adam), Shyǵys Qazaqstan (37 myń adam) jáne Mańǵystaý oblystarynda (32 myń adam) jumys istedi», dedi ol Ortalyq kommýnıkasııalar qyzmetinde ótken brıfıngide.

Komıtet basshysynyń málimeti boıynsha, tek taý-ken óndirý salasynda ǵana 120,8 myń adam zııandy jaǵdaıda jumys istegen.

«Shý men dirildiń joǵary deńgeıi jaǵdaıynda árbir ekinshi jumysshy (46%), joǵary gazdy jáne shańdy aımaqta árbir úshinshi jumysshy (32%) eńbek etken. 94 myń adam aýyr jumysqa tartylǵan», dedi Erbol Nurǵalıev.

Sońǵy jańalyqtar

Uqsas jańalyqtar