Qazaqstan • 22 Qazan, 2021

Prezıdent tapsyrmalaryn iske asyrý boıynsha keńes ótti

95 ret kórsetildi

Búgin Premer-Mınıstrdiń orynbasary Eraly Toǵjanovtyń tóraǵalyǵymen 2021 jylǵy 21 qazanda Memleket basshysynyń Qazaqstan halqy Assambleıasy keńesiniń otyrysynda bergen tapsyrmalaryn iske asyrý jóninde Úkimet keńesi ótti, dep habarlaıdy Egemen.kz primeminister.kz saıtyna silteme jasap.

Is-sharaǵa tóraǵa orynbasary – QHA hatshylyǵynyń meńgerýshisi M.Ázilhanov, QR Parlamentiniń depýtattary, mınıstrlikterdiń basshylary, jergilikti atqarýshy organdardyń ókilderi qatysty.

Premer-Mınıstrdiń orynbasary halyq tyǵyz ornalasqan óńirlerden eldiń jumys kúshi tapshy óńirlerine azamattardyń erikti túrde qonys aýdarýyn yntalandyrý sharalaryn kúsheıtý, ulttyq tilde oqytatyn mektepterde bılıngvaldy oqytý modelin engizý, memlekettik tildi oqytýdyń tıimdiligin arttyrý, analar keńesteriniń qyzmetin damytý, jınaqy turatyn etnostardyń Qazaqstan qoǵamyna odan ári ıntegrasııalanýy, etnosaralyq negizde janjaldardyń aldyn alý jáne t. b. boıynsha naqty tapsyrmalar berdi.

El Prezıdentiniń Qazaqstan halqy assambleıasynyń patrıottyq uıym retindegi anyqtamasyn birinshi ret jarııa etkenine jáne osy ıdeıany ilgeriletý boıynsha naqty tapsyrmalar berilgenine erekshe nazar aýdaryldy.

E. Toǵjanov óńirler ákimdikteriniń etnosaralyq qatynastardy nyǵaıtý salasyndaǵy qyzmetin jandandyrýdy, etnostyq nemese tildik negizde azamattardyń quqyqtarynyń buzylýynyń árbir jaǵdaıy boıynsha halyqpen naqty profılaktıkalyq jáne aqparattyq-túsindirý jumystaryn júrgizýdi tapsyrdy.

Sondaı-aq Fedor Dostoevskııdiń 200 jyldyǵyna oraı estelik is-sharalar uıymdastyrý jáne kórnekti tulǵalar dostyǵynyń tarıhı mysaldary arqyly etnostardy rýhanı jaqyndastyrý boıynsha júıeli jumys júrgizý tapsyryldy.

Prezıdenttiń Qazaqstan halqy Assambleıasy keńesiniń otyrysynda bergen tapsyrmalary Úkimettiń qatań baqylaýyna alyndy jáne tapsyrmalardyń jeke hattamasy aıasynda iske asyrylatyn bolady.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar