Sport • 24 Qazan, 2021

«Qaırat» fýtboldan Qazaqstan chempıonatynyń qola medalin jeńip aldy

82 ret kórsetildi

Premer-Lıga komandalary arasynda fýtboldan Qazaqstan birinshiliginiń aıaqtalýyna bir týr qaldy, dep habarlaıdy Egemen.kz.

«Qaırat» óz alańynda eldegi fýtbol chempıonaty úshin kúreste kóp jylǵy qarsylasyn qabyldady.

Almatylyqtar 8-shi mınýtta legıoner Neboısha Kosovıchtiń arqasynda esep ashty. 1:0 nátıjesi matchtyń sońyna deıin ózgergen joq.

Bul jekpe-jek janjalmen este qalady. Birinshi taımnyń aıaqtalýyna bes mınýt qalǵanda qonaqtardyń jattyqtyrýshysy Andreı Tıhonov túsiniksiz sebeptermen óz jasaǵyn fýtbol alańynan alyp ketti. 10 mınýttan keıin elordalyq klýb alańǵa oralyp, oıyn jalǵasyn tapty.

Endi sońǵy týrda 30 qazanda «Astana» «Turandy» qabyldasa, «Tobyl» «Aqjaıyqqa» qonaqqa barady. Osy kezdesýlerdiń nátıjesine qaramastan, «Qaırat» bıylǵy birinshiliktiń qola medaline kepildik berdi.

Sońǵy jańalyqtar

Uqsas jańalyqtar