Qazaqstan Respýblıkasy Memlekettik qyzmet isteri agenttigi Prezıdenttik jastar kadr rezervine irikteýdiń quzyretterdi baǵalaý kezeńiniń bastalǵandyǵyn jarııalady, atalǵan kezeń osy jyldyń 25 qazanynan bastap 28 qarashaǵa deıin ótedi, dep habarlaıdy Egemen.kz. QR Memlekettik qyzmet isteri agenttiginiń baspasóz qyzmetine silteme jasap.
Bul kezeń assessment-ortalyq jáne quzyretter boıynsha suhbat atty 2 bloktan turady.
О́tken kezeńniń qorytyndysy boıynsha 235 úmitker osy tórtinshi kezeńge ótti.
Assessment-ortalyq offlaın formatta ótedi. Ol minez-qulyq kórsetkishteriniń jıyntyǵy arqyly úmitkerlerdiń belgili bir quzyretterin anyqtaýǵa jáne baǵalaýǵa baǵyttalǵan.
Úmitkerler úshin assessment-ortalyq 25-30 qazan aralyǵynda offlaın formatta ótedi, sodan keıin 1-15 qarasha aralyǵynda sarapshylar barlyq materıaldardy óńdep, jeke esepter daıyndaıdy.
Assessment-ortalyq minez-qulyq ındıkatorlarynyń jıyntyǵy arqyly úmitkerlerdiń strategııalyq oılaý, proaktıvtilik, qyzmetti basqarý, komandalyq kóshbasshylyq, sendire bilý sııaqty quzyretterin anyqtaýǵa jáne baǵalaýǵa baǵyttalǵan.
Quzyretterdi baǵalaýdyń osy blogy toptyq jáne jeke tapsyrmalardan turady, prosess barysynda úmitkerlerdiń minez-qulqyn sertıfıkattarǵa ıe sarapshy-baǵalaýshylar – asessorlar baqylaıdy.
Atalǵan tapsyrmalardyń árqaısysynda úmitkerlerge qatań shekteýli ýaqyt ishinde arnaıy býklettegi aqparattyq materıaldardy taldaý negizinde ózekti óńirlik problemanyń sheshimin usyný qajet bolady.
Assessment-ortalyqtyń barlyq rásimderin Memlekettik basqarý akademııasynyń sertıfıkattaryna ıe sarapshy-baǵalaýshylar toby júrgizedi.
Assessment-ortalyqtyń qorytyndysy boıynsha kelesi baǵalaý kezeńi – quzyretter boıynsha suhbatqa eń jaqsy nátıje kórsetken 125-ten aspaıtyn úmitker jiberiledi.
Quzyretter boıynsha suhbat 20-28 qarasha aralyǵynda kásibı HR-menedjerlerdiń qatysýymen onlaın formatta júrgiziletin bolady.
PJKR jobasy aıasynda suhbat barysynda úmitkerlerdiń ishki ynta-jigeriniń deńgeıi men olardyń qundylyq baǵdarlaryn aıqyndaıtyn quzyretter týraly barynsha obektıvti túsinik alýǵa múmkindik beretin suraqtar qoıylady.
Suhbat nátıjeleri boıynsha irikteýdiń kelesi kezeńi – Sarapshylyq komıssııada áńgimelesýge eń jaqsy nátıje kórsetken 100-ge jýyq úmitker jiberiledi.
Irikteý qorytyndysy boıynsha rezervke 50 úmitker alynady.
Prezıdenttik jastar kadr rezerviniń maqsaty – qoǵamdyq jáne memlekettik múddelerdi basshylyqqa alatyn jas talanttardy anyqtaý.
Memleket basshysy Ejı Starakpen kezdesti
Prezıdent • Keshe
Prezıdent Devıd Lıvıngstondy qabyldady
Prezıdent • Keshe
Qasym-Jomart Toqaev Dúnıejúzilik banktiń vıse-prezıdentimen kezdesti
Prezıdent • Keshe
Memleket basshysy Azııa damý bankiniń prezıdentimen kezdesti
Prezıdent • Keshe
Uqsas jańalyqtar
Onlaın 
