Atalǵan is-sharanyń jumysyna eki eldiń isker toptary men bıznes-qoǵamdastyqtarynyń 80-nen astam ókilderi qatysty. Bıznes-forým QR Syrtqy ister mınıstrligi, Vengrııanyń saýda-ónerkásip palatasy, «Atameken» QR UKP, sondaı-aq «KAZAKH INVEST» UK» AQ uıymdastyrýymen ótti.
Forýmdy ashqan QR Ulttyq ekonomıka Mmınıstri Áset Erǵalıev Qazaqstan men Majarstan arasyndaǵy senimdi qarym-qatynastar ekonomıkalyq ózara is-qımyldy damytý úshin qolaıly jaǵdaı týǵyzatynyn aıtty. Mınıstr Majar kásipkerlerin Qazaqstanda ınvestısııalyq jobalardy iske asyrýǵa belsendi qatysýǵa jáne ózara qarym-qatynastardy damytý úshin jańa nysandardy birlesip izdeýge, sondaı-aq QR aýmaǵynda ınvestısııalyq jobalardy iske asyrý kezinde «KAZAKH INVEST» Ulttyq kompanııasynyń, arnaıy ekonomıkalyq jáne ındýstrııalyq aımaqtardyń múmkindikterin paıdalanýǵa shaqyrdy.
«Biz Qazaqstandy úlken ekonomıkalyq nátıjelerge qol jetkizgen el dep sanaımyz. Bizdiń ekijaqty baılanystarymyzǵa óte qýanyshtymyz. Vengrııa aldaǵy ýaqytta da Qazaqstanǵa qatysty ashyq jáne ekonomıkalyq yntymaqtastyq múmkindikterin izdeıdi», dep atap ótti Vengrııa Premer-Mınıstriniń orynbasary Mıhaı Varga.
Forým aıasynda spıkerler retinde vengr saýda-ónerkásip palatasynyń Prezıdenti Laslo Farago, Majar-Qazaqstan Iskerlik keńesiniń teń tóraǵasy Laslo Horvat, sondaı-aq «KAZAKH INVEST» UK» AQ Basqarma Tóraǵasy Meıirjan Iýsýpov sóz sóıledi.
«KAZAKH INVEST» UK» AQ Basqarma Tóraǵasy Meıirjan Iýsýpov Vengr seriktesterine Qazaqstan Respýblıkasynyń ınvestısııalyq áleýetin tanystyryp, Qazaqstan men Venrgııa arasyndaǵy ekijaqty qatynastardy tereńdetýdiń mańyzdylyǵyna toqtaldy.
«Vengrııa - Qazaqstannyń Eýropadaǵy negizgi seriktesteriniń biri. Kóptegen sektorlardaǵy ózara sınergııany eskere otyryp, bizdiń ekonomıkalyq yntymaqtastyǵymyzdy damytý úshin joǵary áleýet bar. Sondyqtan bizdiń áriptestigimizdiń basym baǵyttaryn, bolashaqqa josparlardy, AО́K, mashına jasaý, energetıka, ınfraqurylym, densaýlyq saqtaý, farmasevtıka jáne t.b. sııaqty ekonomıkanyń negizgi salalaryndaǵy Qazaqstandaǵy naqty birlesken jobalardy talqylaý úshin bizdiń tiri formattaǵy kezdesýimizdi óte mańyzdy dep sanaımyn», dedi Ulttyq kompanııa basshysy Meıirjan Iýsýpov.
Forýmdy qorytyndylaı kele, «KAZAKH INVEST» UK» AQ Basqarma Tóraǵasynyń orynbasary Jandos Temirǵalı «Globalia Kft» jáne «ANM Group» kompanııalarymen yntymaqtastyq týraly úshjaqty memorandýmǵa qol qoıdy. Memorandým aıasynda ınvestorlar 50 mln AQSh dollardan astam somaǵa SES salýdy josparlap otyr.
Forým aıasynda qos eldiń kásipkerleri arasynda eki jaqty kezdesýler ótkizildi, onda AО́K, energetıka, qurylys, hımııa salasy jáne mashına jasaý salasyndaǵy yntymaqtastyq máseleleri talqylandy.
Aıta ketsek, búginde elimizde Vengr kapıtalynyń qatysýymen 30-dan astam kásiporyn jumys isteıdi.
