QR Ulttyq Akademııalyq kitaphanasynda ótken jıynǵa Halyqaralyq Túrki akademııasynyń prezıdenti Darhan Qydyráli, Majarstan Elshiliginiń Ýaqytsha Senimdi О́kili Anıko Denge, Qyrǵyz Respýblıkasynyń Qazaqstandaǵy Tótenshe jáne О́kiletti Elshisi Dastan Dıýshekeev, О́zbekstan Respýblıkasynyń Qazaqstandaǵy Tótenshe jáne ókiletti elshisi Saıdıkram Nııazhodjaev, Ázerbaıjan, О́zbekstan, Túrkııa, Majarstan, Polsha elderiniń dıplomatııalyq mıssııa ókilderi, Qazaqstan Syrtqy ister mınıstrliginiń ókilderi, Nazarbaev Ýnıversıtetiniń Qazaq tili jáne túrkologııa kafedrasynyń meńgerýshisi Iýlaı Shamıloǵly, sonymen qatar, Nazarbaev Ýnıversıteti men L.N. Gýmılev atyndaǵy Eýrazııa ýnıversıtetiniń professorlary men stýdentteri qatysty.
Jıyn barysynda Halyqaralyq Túrki akademııasy shyǵarǵan Armınıı Vamberıdiń «Pýteshestvıe po Sredneı Azıı» atty kitaby tanystyryldy. «Túrkistan» serııasy aıasynda jaryq kórgen bul eńbekte áıgili saıahatshy Túrkistan halyqtarynyń tarıhy men mádenıeti, etnografııasy men geografııasy týraly egjeı-tegjeıli jazǵan. Bul eńbek alǵash 1865 jyly Sankt-Peterbýrgte orys tilinde jaryq kórip, keıin Túrkistan general-gýbernatory K.P.Kaýfmannyń bastamasymen ázirlengen áıgili «Túrkistan» jınaǵanyń 12-tomyna engen. Túrki akademııasy túrkologtyń atalmysh eńbegin túpnusqaǵa sáıkes qaıta jarııalady.
Isshara aıasynda Armınıı Vamberıdiń ómiri men qyzmetine arnalǵan kórme uıymdastyryldy. Kórmeni Majarstan Ǵylym Akademııasynan arnaıy shaqyrylǵan belgili majar túrkitanýshysy Davıd Shomfaı tanystyrdy.
Armınıı Vamberı – majar túrkologııasynyń negizin qalaýshylardyń biri retinde sanaly ǵumyryn ǵylymǵa arnaǵan ǵalym. Ol Orta Azııa elderine saıahat jasaǵan zertteýshi retinde tanyldy.
Budan basqa, ǵalymnyń «Etnologııalyq jáne etnografııalyq turǵydan túrik násilderi», «Majar jáne túrk-tatar sóz kelisimderi», «Uıǵyr tilindegi eskertkisher men Qutadǵu bilik», «Túrk-tatar tilderiniń etımologııalyq sózdigi», «Majarlardyń shyǵý tegi», «Shaıbanıname – ózbek batyrlyq jyry», «Mońǵolııa men Sibirdegi kóne túrki jazbalary» atty qundy ǵylymı eńbekteri bar.
