Elorda • 28 Qazan, 2021

Elordada uzaqqa sozylǵan mektep qurylystary qaıta jandandy

46 ret kórsetildi

Nur-Sultan qalasynyń ákimi Altaı Kólginov óziniń Instagram-daǵy paraqshasynda qurylysy uzaqqa sozylǵan mektepter qurylysynyń qaıta bastalǵany týraly habarlady, dep jazady Egemen.kz.

«Elorda aýdandaryn áleýmettik nysandarmen birkelki qamtamasyz etý úshin ýchaskelerdi aldyn ala rezervke qoıamyz: jobalaý-smetalyq qujattamany daıyndaımyz, qurylystyń barysy men sapasyn baqylaımyz. Aralaý kezinde biz birqatar qajetti sharalardy qabyldaǵan bir kezdegi problemalyq nysandardyń qurylys barysymen tanystyq. Mysaly, Esil aýdanyndaǵy Uly Dala dańǵyly men №39 kósheniń qıylysynda ornalasqan mektepke bardym. Oqý ornynyń qurylysy úsh jyl buryn bastalǵan. Biraq josyqsyz qurylysshy óz mindettemelerin oryndaı almady. Onymen biz kelisimshartty buzdyq, bul bizge mektep qurylysyn óli núkteden jyljytýǵa múmkindik berdi. Bul mektepterdi salyp, kelesi jyly paıdalanýǵa berýdi josparlap otyrmyz. Bul mektep eki aýysymda 2400 oqýshy ornyn qurýǵa múmkindik beredi», dep atap ótti Altaı Kólginov.

Osyǵan uqsas másele Saryarqa aýdanynda ornalasqan basqa mektepte de boldy. Mektep qurylysy bes jyl buryn bastalǵan. Qurylys barysy qol rejımine ótti.

«Sondaı-aq, №59 mektep-lıseıiniń júktemesin eskere otyryp, qosymsha jańa korpýs salamyz, bul mekteptiń júktemesin edáýir azaıtýǵa múmkindik beredi. Osylaısha, kelesi oqý jyly bastalar aldynda oqý oryndarynyń esigin aıqara ashý úshin qazirdiń ózinde daıyndyq ústindemiz. 2022 jyly taǵy da 11 mektep salyp, paıdalanýǵa berýdi josparlap otyrmyz. Keshendi jospar aıasynda bes jyldyq kezeńge 70-ke jýyq mektep salý josparlanǵan. Mektep qurylysyna da jeke ınvestısııa tartamyz. Oqý oryndarynyń qurylysymen qatar, qoldanystaǵy oqý oryndaryna da nazar aýdaramyz – 25-ten astam bilim berý nysany jóndeldi, sondaı-aq oqý oryndarynyń materıaldyq-tehnıkalyq jabdyqtalýyna, sonyń ishinde ınklıýzıvti bilim berý úshin jaǵdaı jasaýǵa erekshe nazar aýdaramyz», dep jazdy elorda ákimi.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar