1 qarashada frontaldy bólikterdiń yqpalyna baılanysty respýblıkanyń basym bóliginde aýa raıy qubylmaly bolady, jańbyr, qar jaýady, tek elimizdiń batys jáne ońtústik óńirlerinde kún raıy ashyq bolady. Respýblıkanyń basym bóliginde tuman túsip, jel kúsheıedi, soltústikte, shyǵysta jáne ortalyqta kóktaıǵaq bolady.
Aqmola oblysynyń soltústigi men shyǵysynda jel 15-20 m/s kúsheıedi, túnde jáne tańerteń tuman túsýi múmkin. Soltústik Qazaqstan oblysynyń soltústiginde, batysynda jáne ońtústiginde tuman túsip, kóktaıǵaq bolady, jaıaý burqasyn soǵýy yqtımal, kúndiz 15-20 m/s jel soǵady.
Qaraǵandy oblysynyń batysynda, soltústiginde, shyǵysynda jel 15-20 m/s deıin kúsheıedi, oblystyń batysynda kóktaıǵaq bolady, jaıaý burqasyn soǵýy yqtımal.
Shyǵys Qazaqstan oblysynyń soltústigi men shyǵysynda tuman túsip, kóktaıǵaq bolady, jaıaý burqasyn soǵýy múmkin, kúndiz oblystyń soltústik-shyǵysynda jel 15-20 m/s kúsheıedi. Jambyl oblysynyń ońtústigi men soltústik-shyǵysynda jyldamdyǵy 15-20 m/s jel soǵady, túnde jáne tańerteń oblystyń soltústiginde jáne taýly aýdandarda tuman túsýi múmkin.
Pavlodar oblysynyń batysynda túnde kóktaıǵaq bolady, kúndiz oblystyń basym bóliginde jel soǵady, jyldamdyǵy - 15-20 m/s. Qostanaı oblystarynyń batysynda túnde jáne tańerteń tuman túsedi, kúndiz oblystyń shyǵysynda jeldiń kúshi 15-20 m/s jetedi.
Aqtóbe oblysynyń soltústik-shyǵysynda jyldamdyǵy 15-20 m/s jel soǵady. Almaty oblysynyń soltústik-shyǵysynda 15-20 m/s jel soǵady, taýly aýdandarynda tuman túsedi.
Batys Qazaqstan, Mańǵystaý, oblystarynyń soltústiginde, Atyraý oblysynyń soltústiginde, batysynda jáne ortalyǵynda túnde jáne tańerteń tuman túsýi yqtımal.
