ÚEU akademııasynda biliktiligin jetildirdi

Jobanyń seriktesteri bolyp tabylatyn ALMAU saıasat jáne quqyq mektebi, Astana ha­lyq­ara­lyq ýnıversıteti, «Qa­zaq­s­tandyq medıasııa orta­ly­ǵy» JM, SmartCharity qoǵamdyq qory, «Beles» taldaý jáne strategııa ortalyǵy» qoǵamdyq birlestigi úkimettik emes uıymdar ókilderin kásibı turǵyda oqytý isinde belsendiler qatarynan tabyldy. «ÚEU akademııasy» jobasy bastalǵannan beri jalpy bilim berý komponentin ıgerý, áleýmettik kásipkerlik mektebi jáne trenerlerge arnalǵan trenıngter ótti. Osylaısha, segiz aı ishinde el óńirlerinde ornalasqan úkimettik emes uıymdardyń myń­nan astam ókilderi arnaıy bi­lik­­tilik trenıngterinen ótip, ser­tı­fı­katqa ıe boldy.

Túlekterdi marapattaý saltanatynda Aqparat jáne qo­ǵam­dyq damý vıse-mınıstri Bolat Tilepov «ÚEU akademııasy» azamattyq qo­ǵam­dy damytýdaǵy mańyzdy ári eli­mizdegi úkimettik emes uıymdar úshin aýqymdy joba ekenin atap ótti. Búginde tıisti mınıstrliktiń qoldaýymen ÚEU qoǵamdaǵy róli artyp ke­le­di. Al salada eńbek etip júr­­gen mamandardyń kásibı bi­lik­tiligi keleshegimiz úshin asa m­a­­ńyzdy.

Akademııa jumysy aıasynda zert­teýler jasalyp, sıfrly ba­ǵyt­­taǵy, sonymen qatar mo­bıl­di qosymshalar arqyly jumys isteý tájirıbesine kóp kóńil bó­lin­di. ALMAU rektory Gúlnar Kú­­renkeeva úkimettik emes sektor úshin mańyzdy jobanyń aza­mat­tyq qoǵamdy damytýdaǵy ále­ýetine, sonymen birge osy aka­­­­demııa aıasynda qamtylǵan baǵ­­­dar­lamalardyń ereksheligine toq­­ta­lyp ótti.

­Al jobanyń mindetteri týra­ly tanystyrǵan joba jetek­shi­si Irına Vıgovskaıa aza­mat­tyq sektordaǵy bilim berý qyz­met­te­riniń qajettiligine zertteý júr­gizý, ÚEU ókilderine qa­shyq­­tyqtan jáne mobıldi oqy­týdy uıymdastyrý, jattyq­ty­rý­shylardy oqytý máselesine den qoıyp, osy baǵyttaǵy min­det­ter­diń barlyǵy derlik oryn­dal­ǵanyn jetkizdi. Onyń aıtýynsha, joba taıaý keleshekte azamattyq sektordyń áleýetin arttyrýǵa, kásipkerlik pen azamattardyń ózin ózi uıymdastyrý tetigin kú­sheı­týge, halyqtyń memlekettiń eko­nomıkalyq saıasatyna degen senimin qalpyna keltirýge, sondaı-aq ÚEU-nyń qarjylyq, kadrlyq, materıaldyq jáne materıaldyq emes resýrstaryn basqarý tıim­di­ligin arttyrýǵa múmkindik be­re­di. Sondaı-aq I.Vıgovskaıa Qa­zaqstanda beıimdelgen oqytý kýrsy bar mobıldi qosymsha iske qo­sylatynyn atap ótti. Qazirgi ýa­qyt­ta ol testileý rejiminde ju­­mys isteıdi.

Bilim berý baǵdarlamalaryn iske qospas buryn qandaı salalarda bilim men tájirıbe je­tis­peı­tinin anyqtaýǵa kómek­te­s­etin ǵylymı-zertteý ju­mys­tarynyń da júr­gi­zil­ge­nin atap ótken jón. Zertteý nátıjelerine súıene otyryp, sarapshylar oqytý ta­qy­­ryptarynyń tizimdemesin ja­sady. Jalpy bilim berý kom­po­­nentinde árqaısysy 5 tre­nıng­ten turatyn 8 bilim berý modý­li qarastyrylǵan. Oqytý ta­qyryptarynyń qataryna marketıng jáne PR, fandraızıng, jobalardy basqarý, aqparattyq tehnologııalar, áleýmettik jobalaý jáne basqalar kiredi. Osy oraıda 811 adam arnaıy sertıfıkatqa ıe boldy.

Qazaq jáne orys tilderinde úsh lekte uıymdastyrylǵan «О́reli urpaq» áleýmettik kásipkerlik mektebinde oqytý jeke baǵytta ótti. Munda ÚEU-nyń 167 ókili áleýmettik marketıng, qarjylyq saýattylyq, tıimdi basqarý jáne taǵy basqa salalar boıynsha zamanaýı bilimdi ıgerdi.

«Búginde áleýmettik kásip­ker­lik ıdeıasy kóptegen aldyńǵy qatarly elderdiń saıasatynda je­­tek­shi mánge ıe. Áleýmettik bız­nes eldegi áleýmettik saıa­s­­at­tyń tujyrymdamasy men kórinisin ózgertý qura­ly­na aınalýda, áleý­mettik ıkem­dilikti, ıntegra­sııa­ny da­my­týǵa, jumyspen qam­týdy ul­ǵaı­typ, kedeılikti azaı­tý­ǵa, ha­lyqty jandandyrýǵa, qoǵam­nyń ınnovasııalyq damýyna yqpal etedi. Mundaı jobany qoldaý halyqty ekonomıkany damytýǵa, jańa jumys oryn­­da­ryn qurýǵa, áleýmettik naq­ty má­se­­lelerdi sheshýge tar­týǵa múm­kin­­dik beredi», dedi óz sózinde joba se­riktesi, «Astana» halyqaralyq ýnı­versıtetiniń prezıdenti Serik Yrsalıev.

Áleýmettik kásipkerlik bo­ıyn­­sha úılestirýshi Zýbırash Sma­ǵulova qazaq jáne orys til­derinde úsh lekte uıym­d­astyrylǵan «О́re­li urpaq» áleýmettik kásip­ker­lik mektebin­de­gi bilim berý barysyna keńinen toqtalyp ótti. Joba aıasynda «Trenerlerge arnalǵan trenıng» baǵdarlamasy – bilikti trenerlerdi daıyndaýǵa jáne olar­dyń jeke oqytý kýrstaryn ázirleýge baǵyttaldy. Baǵdarlama boıynsha 42 qatysýshy oqytyldy. Trenerler tálimgerlermen birge jumys isteı otyryp, avtorlyq trenıngterin ótkizý múmkindigine ıe boldy.

«ÚEU akademııasynyń» túlek­te­ri joba aıasynda qazaq tilin­degi baǵdarlama, oqý qural­da­rynyń jetki­liksizdigine toqtalyp, alda­ǵy ýaqytta osy máselege keńi­nen nazar aýdarý qajettigimen qatar, sa­lada qaperge alatyn máse­le­ler­di atap ótti.

ALMATY