Bul týraly Rıa Novostı málim etti.
«DDSU Bharat Biotech ázirlegen Covaxin vaksınasyn paıdalanýǵa ruqsat berdi. DDSU shaqyrǵan jáne álem elderiniń sarapshylarynan turatyn tehnıkalyq keńes berý toby bul vaksına DDSU-nyń COVID-19-dan qorǵaý standarttaryna sáıkes keledi, sonymen qatar, vaksınanyń paıdasy áldeqaıda joǵary, búkil álemde qoldanýǵa bolady dep sheshti», delingen uıymnyń Twitter-degi habarlamasynda.
DDSU 18 jastan asqan adamdar úshin tórt apta aralyqpen Covaxin preparatynyń eki dozasyn qoldanýdy usynady.
Klınıkalyq zertteýlerdiń úshinshi kezeńiniń nátıjeleri boıynsha Bharat Biotech vaksınasy aıqyn belgileri bar COVID-19-ǵa qarsy 77,8 paıyz tıimdilik, aýrýdyń aýyr túrlerine qarsy 93,4 paıyz tıimdilik, al sımptomsyz túrlerine qarsy 63,6 paıyz tıimdilik, «delta» shtamyna qarsy da osyndaı uqsas nátıje kórsetti.
Covaxin 16 elde tirkelgen, 50 memlekette vaksınany maquldaý prosesi júrip jatyr. Úndistannyń ózinde kompanııa tórt nysanda vaksına óndirisin jolǵa qoıyp, 1 mıllıard doza «jyldyq qýattylyqqa» jetý úshin odan ári keńeıtýdi josparlap otyr.
Júktilik kezinde preparatty qoldaný týraly derekter áli jetkiliksiz, zertteýler júrgizý josparlanyp otyr.
