Qalalyq Turǵyn úı saıasaty basqarmasynan málim etkendeı, qazirgi ýaqytta trotýarlardy, jaıaý júrginshiler aımaqtaryn, qoǵamdyq kólik aıaldamalaryn qardan tazartý jumystary júrgizilýde.
«Túngi saǵat 03.30-dan bastap qar kúreý kolonnalary uıymdastyryldy. Qar jınaýǵa 517 arnaıy tehnıka, onyń ishinde 173 qum shashqysh, 165 sypyrýshy-jınaý tehnıkasy, 52 qar qursaýlaýshy, 49 samosval, 9 avtogreıder jáne 1400 jol jumysshysy jumyldyryldy. 185 qum shashqyshtyń kúshimen joldarǵa kóktaıǵaqqa qarsy materıaldar sebilýde. Kóktaıǵaqqa qarsy 4200 tonna materıal paıdalanyldy», dedi basqarmadan.
Sondaı-aq, taýly jáne taý bókterindegi aýdandarda qar shyǵarý jumystary júrgizilýde. Qala aýmaǵynan jappaı qar shyǵarý tańerteńgi qarbalas shaqtan keıin qolǵa alynady. Aýdan ákimdikterinde bul jumystardy baqylaý boıynsha táýlik boıy kezekshilik uıymdastyryldy.
Qazgıdromettiń boljamyna sáıkes, túnde aýa temperatýrasy mınýs 13 gradýsqa deıin tómendedi. Búgin kúndiz qar jaýyp, 6 gradýsqa deıin aıaz kútiledi.
