Partııanyń ıdeologııa máseleleri jónindegi hatshysy bolyp Qumar Aqsaqalov taǵaıyndaldy
Qumar Aqsaqalov Máskeý aýyl sharýashylyǵy óndirisiniń ınjenerleri ınstıtýtyn támamdaǵan, ekonomıka ǵylymdarynyń kandıdaty. Ár jyldary Qostanaı oblysy aýdandarynda ákim, Qazaqstan Prezıdenti Ákimshiliginiń memlekettik ınspektory, Jambyl oblysy ákiminiń áleýmettik máseleler jáne ıdeologııa jónindegi orynbasary qyzmetterin atqarǵan.
2010 jyldan beri – «Nur Otan» partııasy Ortalyq apparatynyń basshysy, Saıası keńestiń múshesi.
Ideologııa jónindegi jańa hatshyny tanystyra kele, «Nur Otan» partııasy Tóraǵasynyń birinshi orynbasary B.Baıbek partııa Tóraǵasynyń tapsyrmasy boıynsha «Nur Otannyń» aımaqtardaǵy qyzmeti artyp, partııa jumysy «jobalyq vertıkal» boıynsha jasaqtalyp jatqanyn atap ótti.
«Qumar Aqsaqalovtyń aýdandyq deńgeıden Prezıdent Ákimshiligine deıingi túrli memlekettik jumys tájirıbesi onyń qoıylǵan mindetter bıiginen kórinýine múmkindik beretinine senemin. Bul taǵaıyndaýdy atqarylǵan jumysqa berilgen joǵary baǵa dep sanaımyn», dedi B.Baıbek.
Partııanyń Ortalyq apparatynyń basshysy bolyp Ásel Júnisova taǵaıyndaldy
Ásel Júnisova ál-Farabı atyndaǵy QazUÝ, Japonııanyń Joǵary memlekettik basqarý mektebin támamdaǵan, ekonomıka ǵylymdary jáne memlekettik basqarý magıstri.
Ár jyldary munaı-gaz salasynda, Strategııalyq josparlaý agenttiginde, Ekonomıka jáne bıýdjettik josparlaý mınıstrliginde, «QazTransGaz» AQ-ta, «Samǵaý» Ulttyq ǵylymı-tehnologııalyq holdınginde jáne «Ońtústik» ÁKK-de jumys istegen. 5 jylǵa jýyq Qazaqstan Prezıdenti Ákimshiliginde sektor meńgerýshisi, keıin Strategııalyq zertteýler jáne taldaý ortalyǵy meńgerýshisiniń orynbasary bolyp qyzmetter atqardy.
2013 jylǵy naýryzda «Nur Otannyń» Ortalyq apparaty basshysynyń orynbasary bolyp taǵaıyndalǵan, partııa Saıası keńesiniń múshesi.
Ortalyq apparattyń jańa basshysyn tanystyrǵan B.Baıbek partııa músheleriniń 60%-y, al «Nur Otannyń» Saıası keńesiniń ókiletti organynda 30%-y áıelder ekenin atap ótti.
«Ásel Júnisova «Nur Otandaǵy» basshylyq laýazymǵa taǵaıyndalǵan tuńǵysh áıel bolyp otyr. Bul partııa Tóraǵasy tarapynan úlken senimdi bildiredi. Bul taǵaıyndaýdy bılik partııasynyń, sonymen qatar, qoǵam men memleket jumysynda áıelderdiń mańyzdy róline degen qurmet dep qabyldaımyz», dep atap ótti B. Baıbek.
