Onyń aıtýynsha, izdeý júıeleri men izdeý júıesiniń operatorlaryna zańnamalyq anyqtamalar berip, jelilik basylymdar uǵymyn neǵurlym naqty anyqtaý qajet.
«Áleýmettik jelilerdegi keıbir akkaýnttar men arnalar kóptegen jazylýshylar men kórinisterdiń arqasynda aqparatty jappaı taratý quraldarynyń birine aınaldy. Osy tusta mańyzdy suraq týyndaıdy – olardy BAQ-pen qalaı baılanystyramyz? Mınıstrlik osy baǵyttardyń barlyǵyna jańa túsinik berýdi usynady. Qazir jumys tobynyń qaraýyna engizetin tujyrymdamalar ázirlenýde», dep atap ótti vıse-mınıstr.
«Mysaly, sıfrlyq jáne kabeldik teleradıo habarlaryn taratýdyń dástúrli operatorlarynan qazirgi zamanǵy IPTV-tehnologııalardy paıdalana otyryp, ǵalamtor jelisinde televızııalyq kontentti taratatyn kompanııalarǵa zańnama talaptary nege qoldanylmaıdy degen suraq týyndaıdy. Sondyqtan ınternet-keńistikte TV kontentti taratýshylarǵa jáne teleradıo habarlaryn taratýdyń dástúrli operatorlaryna qoıylatyn jalpy talaptardy anyqtaý qajettiligi máselesi zerttelýde», dep qorytyndylady spıker.
