Oqıǵa • 09 Qarasha, 2021

Soltústik Qazaqstanda jańa bosanǵan ana koronavırýstan qaıtys boldy

64 ret kórsetildi

Soltústik Qazaqstan oblysynda júkti áıel koronavırýs juqtyryp, dárigerler qoldan kelgenshe tyrysqanymen, jas ananyń ómirine arasha túse almady, dep habarlaıdy Egemen.kz.

SQO Densaýlyq saqtaý basqarmasy baspasóz qyzmetiniń málimetinshe, sońǵy 3 kúnde óńirde koronavırýsty juqtyrýdyń 438 jańa jaǵdaıy tirkeldi. Eń kóp aýyrǵandar - Petropavlda.

Búginde juqpaly aýrýlar aýrýhanasynda 636 adam em alsa, onyń 382-si turaqty túrde ottegi apparatynda jatyr. Jansaqtaý bóliminde jatqan 51 naýqastyń 16-nyń jaǵdaıy óte aýyr. Sońǵy táýlikte koronavırýstan 3 adam qaıtys boldy. Al pandemııa bastalǵaly 317 naýqas kóz jumdy.

«Qaıtys bolǵan júkti kelinshekti koronavırýs juqtyrǵandyqtan 31 aptada bosandyryp alýǵa týra keldi. Aýrý asqynyp, ókpesi qabyndy. Qazir ýákiletti organdar saraptama júrgizedi. Kópbeıindi aýrýhananyń jansaqtaý bólimi jaǵdaıynda tolyq kólemde júrgizilgen emdeý-dıagnostıkalyq sharalar keshenine qaramastan, bosanǵannan keıingi kezeńde júkti áıeldiń ómirin ókpeniń jappaı zaqymdanýyna baılanysty qutqarý múmkin bolmady. Áıel júktiligine baılanysty vaksına almaǵan», deıdi basqarmanyń baspasóz hatshysy Gúlnar Qalıeva.

Mamannyń aıtýynsha, jalpy jyl basynan beri 646 júkti áıel Covid-19 juqtyrdy, onyń 203-inde aýrý asqynyp, pnevmonııaǵa ulasqan. 58 júkti áıeldi ókpeni jasandy jeldetý apparatyna qosýǵa týra keldi.

38 áıeldi aman alyp qalý úshin ómirlik kórsetkishteri boıynsha kesar tiligi ádisimen merziminen buryn bosandy. Kúni jetpeı týǵandyqtan 3 shaqalaq qaıtys boldy.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar