● Elimizde demografııalyq zertteýler ortalyǵy qurylady. Ol boıynsha atqarylatyn jumystar pysyqtalý ústinde.
● Respýblıkanyń avtojoldarynda ótken táýlikte 583 adam qar qursaýynan shyǵaryldy. Onyń ishinde 34 jasóspirim bar.
● Astanada keler jyly EKSPO-2017 alańyn jylýmen qamtamasyz etetin magıstral salynady. Bas shahardyń soltústik-batysy men ońtústik-batysy aralyǵyna salynatyn bul qubyrdyń uzyndyǵy 21,5 shaqyrym quraıdy.
● Qazirgi kezde elimizde 3 351 notarıýs qyzmet jasaıdy. Al advokattardyń sany 4,5 myńǵa jýyqtaǵan.
● «Taldyqorǵan – Almaty» tasjolynyń qurylysy keler jyly aıaqtalady. 130 mlrd. teńge bólingen jumystyń aıasynda Qapshaǵaı óńirine deıin alty jolaqty jol salý kózdelgen.
● Bıyl Aqmola oblysynda údemeli ındýstrııalyq-ınnovasııalyq baǵdarlama aıasynda 11 nysan iske qosylady. Sonyń ishinde kúkirt qyshqyly zaýyty da bar.
● Shymkent qalasynda ótken jyly 3 mlrd. teńge bólinip, 13 shaǵyn aýdanǵa gaz qubyry tartylǵan. Osy jumysty aldaǵy merzimde de iske asyrý josparlanýda.
● Pavlodar oblysyndaǵy munaı-hımııa zaýytyna energııa menedjmenti júıesindegi sáıkestik sertıfıkaty berildi. Zaýyttyń ishki qurylymy ótken jyly talapqa saı jańartylǵan bolatyn.
● Oral qalasyndaǵy Nazarbaev zııatkerlik mektebinde alǵashqy álemdik robot tehnıkalarynyń olımpıadasy ótkizildi. Oǵan elimizdiń 15 qalasynan oqýshylar qatysty.
● Aqtaý qalasynda baǵany turaqtandyrý úshin jergilikti saýda kásiporyndarynyń jármeńkesi ótkizilýde. Bul ıgilikti bastama apta saıyn jalǵasyn taýyp otyr.
● Qaraǵandy oblysynda «Bolashaqtyń ergonomıkasy» dep atalatyn halyqaralyq baıqaý jarııalandy. Ol balamaly energııa kózin damytýǵa baǵyttalǵan.
Egemen.kz habarlary men oblystyq ákimdikter saıttarynyń materıaldary boıynsha daıyndaldy.
