- Qazaqstan quramasynda negizgi oıynshynyń biri Baqtıer Zaınýtdınov jaraqat alyp qalypty. Bul jaǵdaı erteńgi matchqa qalaı áser etedi.
- Bizde tek qana Zaınýtdınov qana emes, Iаn Vorogovskıı men Georgıı Jýkov, Sergeı Malyı men Azat Nurǵalıevterdiń de jaraqaty bar ekenin aıtaıyn. Sosyn, Logvınenkonyń da kishigirim jaraqaty bar eken. Ramazan Orazovtyń aıaǵy qatty aýyryp, dáriger bul fýtbolshyǵa senim artpaı-aq qoıyńyz dep aıtty. Sondyqtan da, biz osy jerde jańa oıynshylardy tekserip alamyz. Degenimen, biz irikteýdiń basynda kórsetken jaqsy oıynymyzdy qaıta kórsetkimiz keledi.
- Fransııa quramasynyń bas bapkeri Dıde Desham kúni keshe ǵana Qazaqstan quramasyn maqtady. Bas bapkeri de jaqsy maman eken dep aıtty. Siz buǵan qalaı qaraısyz?
- Dıde Desham bizge joǵary baǵa bergenine rızamyn. Biz fýtboldan rahat alyp oınaǵymyz keledi. Qarsylasqa ózimizdiń oıynymyzdy kórsetkimiz keledi. Osylaısha biz túbi ózimizdiń myqty oıynymyzdy tabamyz. Biz qazan aıynda óz oıynymyzdy joǵaltyp aldyq. Sondyqtan da, sol oıyndy qaıtarǵymyz keledi. Fransııa úshin bul match óte mańyzdy. Olar Álem chempıonatyna shyǵýdy maqsat tutady. Biraq, biz qarsylastyń ataq dańqyna qarap otyratyn jaǵdaıda emespiz. Jańadan alynatyn jastarǵa jańa oıynshylarǵa bul keremet senimdilik beretin oıyn bolary anyq.
- Negizi jerebe tartý rásiminde Qazaqstanda barlyǵy bir aýyzdan aýtsaıder dep sanady. Alaıda, jarys barysynda Sizder keremet oıyn kórsettińizder. Sonda Qazaqstan quramasy damyp kele jatqan komanda dep aıtýǵa bola ma?
- Bizdiń komandany maqtaǵanyńyzǵa rahmet. Bul biz úshin qosymsha shabyt bereri anyq. Alaıda, biz úshin mańyzdysy ózimizdiń oıyndy kórsetý. Qalǵanynda sharýamyz joq. Bizdiń top qurylǵan kezde mamandar pikirine qulaq astyq. 5 týrdan keıin bizdiń tipti 2 oryn alýǵa múmkindigimiz boldy. Biraq, qazan aıynda eki oıynda bar úmitti joǵaltyp aldyq. Biz úshin ózimizdiń jyl basynda kórsetken oıynymyzdy qaıtalap kórsetýimiz kerek. Biz úshin eń bastysy oıyn turaqtylyǵy.
- Fransııamen ótken alǵashqy matchtan beri komandańyzda ne ózgerdi?
- Bizdiń oıyndarymyzdy kórseńiz kóp ózgeris baıqaısyz. Ýkraınaǵa qarsy matchtardy eske alaıyq. Ásirese qorǵanystaǵy oıynymyz ózgerdi. Biz qarsylasqa shabýyldaýǵa kóp múmkindikter berip qoıdyq. Biraq, shabýylǵa shyǵýymyz óte jıiledi. Ashyq oıyn kórsetýge tyrystyq. Arasynda oıyn mánerin ózgertip, qorǵanysqa senim artqan matchtarymyzda boldy.
