Irikteý kezeńniń 8-týrynda qazaqstandyqtar álem chempıony Fransııaǵa qonaqqa barǵan. Bul oıynda Talǵat Baısýfınov jas fýtbolshylarǵa ıek artty. Al fransýzdar alańǵa negizgi quramyn shyǵardy.
Nátıjesinde alań ıeleri úziliske deıin jaýapsyz úsh gol soǵyp tastady. Úsh goldy da Kılıan Mbappe soqty. Ol aldymen 6, keıin 12-mınýtta kózge tústi, al 32-mınýtta het-trık avtory atandy.
Ekinshi taımda da Fransııa fýtbolshylary qarqynyn azaıtqan joq. 55 jáne 59-mınýttarda Karım Benzema esepti ulǵaıtty.
Kezdesýdiń 75-mınýtta Adrıen Rabo komandasynyń altynshy golyn saldy. 84-mınýtta Antýan Grızmann penaltıden gol salyp, esepti 7:0 qyldy.
Biraq match munymen bitken joq. 87-mınýtta Mbappe match núktesin qoıdy - 8:0.
Qazaqstan óz tarıhynda resmı matchtarda mundaı iri eseppen jeńilip kórmegen. Sondyqtan 0:8 Qazaqstan tarıhyndaǵy eń iri jeńilis retinde tirkelip otyr.
Osylaısha, Qazaqstannyń ÁCh-2022 irikteý kezeńindegi jarys joly aıaqtaldy. Komanda segiz matchtyń úsheýinde teń túsip, qalǵan beseýinde jeńilip qaldy. Baısýfınov shákirtteri D tobynda sońǵy oryn aldy. Al Fransııa quramasy topta kósh bastap, Katardaǵy álem chempıonatyna shyqty.
Álem chempıonaty – 2022. Irikteý kezeńi. D toby. 8-týr.
Fransııa – Qazaqstan 8:0 (3:0)
Goldar: Mbappe 6, 12, 32, 97, Benzema 55, 59, Rabo 75, Grızmann pen. 84.
Fransııa: Lorıs (Q, K), L. Ernandes (Langle 79), Iýpamekano, Kýnde, T. Ernandes, Kante (Tchýamenı 72), Rabo, Koman (Pavar 79), Benzema (M. Dıabı 72), Grızmann, Mbappe (Ben-Iedder 88).
QAzaqstan: S. Pokatılov (Q), Taıkenov, Álip, Marochkın, Erlanov, Bystrov (Qaıyrov 85), Jarynbetov, Qýat, Tapalov (Baıtana 68), О́mirtaev (Vasılev 61), Aıymbetov (A. Jaqsylyqov 61).
