«Ustalǵan tórt buzaqynyń árqaısysy túrli mindet atqarǵan. Bireýi qoǵamdyq kólik júrgizýshisiniń nazaryn aýdarsa, ekinshisi – uıaly telefon kamerasyna ne bolyp jatqanyn túsirip júrgen. Taǵy ekeýi – tikeleı oryndaýshylar. Olar qoǵamdyq kóliktiń tóbesine shyǵyp, otshashý uıymdastyrǵan. Arasynda kámeletke tolmaǵandar da bar. Qazirgi ýaqytta atalǵan fakti boıynsha QR QK-niń 293 baby boıynsha qylmystyq is tergelýde. Sonymen qatar buzaqylardyń áreketinde QR ÁQbK-niń 436-babynda kózdelgen quqyq buzýshylyq belgileri bar», dep habarlady Bostandyq aýdandyq polısııa basqarmasynyń bastyǵy, polısııa podpolkovnıgi Dýman Aýhadıev.
Ol óz sózinde qoǵamdyq kólik jolaýshylaryna qaýip tóndirgen jastardyń áreketi tolyǵymen anyqtalatynyn atap ótti.
Aıta keterligi, avtobýs tóbesinen sekirgen buzaqylardyń biri basynan jaraqat alǵan.
